A Tthabik hrangah A Tthabik

September 1
Zarhte Ni

A Tthabik hrangah A Tthabik

Bible Siar Ding: 1 Samuel 18:1-4; 20:12-17

Jonathan in David cutluk ih a duhdawttuk ruangah kumkhua ih rualpi ttha si dingin thu a kam. – 1 Samuel 18:3

Bible sungih thukamnak (covenant) pawl thu kan ruah tikah, Pathian le minung karlak ih thukamnak pawl: Pathian le Noah karlak ih thukamnak, Pathian le Abraham karlak ih thukamnak le thukamnak hlun le thukamnak thar tivek pawl hi an tel ringring.

Bible in milai pakhat le pakhat lakkar ih tuahmi thukamnak thu pawl tla a tarlang ve. Bible sungih hminthangbik mi bulpak pahnih lakkar ih thukamnak cu David le Jonathan lakkar ih tuahmi thukamnak hi a si.

Jonathan cu a pa Saul, Israel ram siangpahrang ih bawi tokham run luahtu ding pa a si. David cu Saul siangpahrang a thih tikih siangpahrang run ttuantu dingah hriak culh mi pa a si. Curuangah a ngaingai te cun Jonathan le David cu a do awtu ding raal dinhmun ih dingmi an si veve. Cuti’n tikcu caan a rung herliam tikah Jonathan in a pa ih ro co in siangpahrang run ttuan ding asinan David sawn kha siangpahrang ih run tuah a si. Jonathan in David cu dodaltu a raal vekin hmu ding asinan cuti’n ruat loin David a duhdawttuknak thinlung in amai’ zawn hnakin David hrangah a duhsak sawn a si.

Nupi pasal tthit-umnak (marriage) tla hi mi pahnih lakkar ih thukamnak tuahmi tahtthimnak a si ve. Pakhat le pakhat ka nun dam sung hmuahhmuah rin-umzet in ka lo umpi ding, ka pum ka lo ap a si tiih thukamnak tuah a si. Tthit-umnak hi Pathian le A minung pawl karlak ih “ruangh um lomi thukamnak thar (unconditional new covenant)” ai-awh langtertu khal a si. Pathian ih in duhdawtnak cu a fahniang pawl kan hrangah a tthabik tuahsak ding lawng hi a si ringirng.

Thukamnak thawn pehtlaihnak cu ka sungih um a tthabikmi kha na hrangh a tthabikmi tuah sak dingih tiamkamnak a si kumkhua.

Bawipa, kan thukam pehtlaihnak sungih rin-umnak in
Nangmah lo upat thiam dingin in bawm hram aw.

Tuni ah keimai’ zawn hnakin midang zawn sawn ruahtu si zuamnak in thukamnak thawn pehtlaihnak ziangti’n so ka tuah thei ding?

@ Ava Pennington

(Visited 22 times, 1 visits today)

Comments

comments

Comments

%d bloggers like this: