A Ttha Sawnmi

July 6

Tlawngkai Nihnih 

A Ttha Sawnmi 

Siar:

Hebru 11:4-7, 32-40 

Zumnak an neih ruangah himi pawl hmuahhmuah hi ziangtluk porh tlak so an si! Asinain Pathian ih a tiam ciami pawl an ngah hrih lo.     – Hebru 11:39 

Kumkhat Sung Baibal:

–   Job 32-33

–    Tirh.13:26-52 

Abel cu Hebru 11, a thokin a hrek tiang sungih tel thei ding a bang lo. Amah cu  hmaisabik pipu cazin sungih telmi si hmansehla, himi sungih nganmi midang pawl ih thu thawn an bang aw lo. Enoch cu a nungcung in vancung ah a kai. Noah in tilik sungin milai hmuahhmuah a ruun. Abraham cu miphun pakhat a suahter. Issac cu hminsin tlak miphun ih pa a si. Joseph cu hnattuan saangbik tiang a kai. Moses cu a tumbik suahlannak hruaitu a si. An zum man laksawng an ngah ttheh. Zumnak maksak thawn Pathian fialmi an tuah ih Amah in thluasuah a pek hngai. An mit rori in Pathian ih thutiamkam a kim zia an hmu ngah.

Abel teh? Adam le Eve ih fapa pahnihnak in zumnak a neih nain ziangso a ngah? Thahnak lawng a tuar. Himi caang 35-38 in Pathian zum ruangah thluasuah ngah tengteng ding a si lo timi in theihter. Nautatnak, thawng thlaknak le tanhnih ih tannak tla an tong. Harsatnak, tuarnak le hremnak hnakin Abraham bangin hminthangzet mi si tla kan duh sawn tiah kan ti men thei. Asinan Pathian ih tumtahnak sungah Amah zumtu pawl cu nunnuamzet le hminthangzet in an um tengteng ding ti cu aamahkhannak a um lo.      

Kan nunnak ah thluasuah kan ngah tiih tontehnak kan neih hmanah, kan hrangih khuakhannak ttha deuh (c. 40) a thlen ding le Pathian ih tiamkammi thangtthat sunlawihnak tikcu caan a kim tiang kan hngah a ttul. Cumi hlan sung hmuah cu zumnak thawn thinsau te’n hngak uhsi!   – Dave Branon 

Jesuh riannak ah zuam sinsin aw,

Bawipa na duhnak hmuaneihnakl thawn,

Thu a lo tiamkam, Amah na rinsan ahcun,

Nikhat ni ahcun laksawng na ngah ding. – Fasick 

Atu ah Khrih hrangih na tuahttuanmi cu

kumkhua hrangah laksawng pek a si ding.

 

(Visited 21 times, 1 visits today)

Comments

comments

Comments

%d bloggers like this: