A Ttha Maw?

March 6

Zarhte Ni

A Ttha Maw?

Siar:

Filipi 4:4-7

Cuticun minung ruah ban lomi Pathian ih daihnak in nan thinlung le nan ruahnak cu Khrih Jesuh ah himtein a kilkhawi ding.  -Filipi 4:7

Kumkhat Sung Baibal:

–   Daanpeksaalnak 1-2

–   Marka 10:1-31

Hight School choir group pawl in Horatio G. Spafford ih hla phuahmi, “Ka Thlarau Hrangah A Ttha” timi hla sak dingin an timtuah rerolai ah tleirawl te pakhat cu hmai ah suakin cuih hla ih thuanthu a tlangpi thu in a sim. Spafford ih zumfeknak hla ttongfang ngai cu theihthiam a harzet. Spafford in a fanu pali an thihnak hmun kiangih tipithuanthum tinbaw parah hih hla hi a nganmi a si.

Tleirawl te ih thuanthu a simmi le an hla sakmi ka ngai tikah cuih hla in ka nun i run ciahneh (influence) nasa. “Fanu pali rori thihnak hmun ah” Spafford ih zumfeknak hla ttongfang a phuahmi cu theihthiam ding a harzet. Asinan fanu pakhat rin lopi ih thihnak a tuartu keimah in tah theih lomi fanu pali thihnak ih tuarnat zia ding cu ka theihthiam sak.

Ziangti’n Spafford hrangah a riahsiatnak cu “thil ttha” a si thei? A hla thu ka thei, “Dairial bangin ka lamzin a daih tikah” thlangamnak khui ah ka hmu thei ding? Paul in Filipi bung 4 ah – kan thinlung le kan ruahnak Pathian hnenih a thlen tikah thlangamnak kan hmu thei ding (c.6) a ti. Rinsannak thawn Pathian hnenah thlacam uh, kan thinlung ih phurrit a zaangter, kan helhkamnak a daihter ih, kan riahsiatnak a hloter. Cuti’n sim fiang thei lomi Pathian hnen ihsin a rami thlangam daihnak kan co thei ding. Kan thinlung le kan khuaruahnak cu Khrih ah him te’n a kilkhawi, harsatnak um hmansehla kan thlarau hrangah a ttha.

Dairial bangin ka lamzin a dai tikah,

Ninghan tilet bang thawh tikah;

Pathian in keimah in zirter thu ttha ngai,

Ka thlarau hrangah a ttha ngaingai.

Jesuh a palh dah lo.

(Visited 24 times, 1 visits today)

Comments

comments

Comments

%d bloggers like this: