A Tteh Lomi (Allergic)

July 17

Zarhte Ni 

A Rem Aw Lomi (Allergic) 

Siar:

Titus 3:3-11 

A ttha lomi hmuahhmuah in hnong uh.    – 1 Thessalon 5:22 

Kumkhat Sung Baibal:

–   Saam 18-19

–   Tirhthlah 20:17-36

Kan tunute pakhat cu ei ding rawl phun tam nawn thawn a taksa in a rem lo (allergic). Cawhnawi, cheese, arti le ice-cream ti pawl hi a rem lomi rawl pawl sungah an tel. Himi pawl a ei ruangah a taksa harhdamnak a siatsuah.             

Amah lawng si loin kan nunnak ah thil hrial ttulmi tete kan nei cio ve. A rem lomi pawl hrial ding hi a damnak hrangah a thupizetmi a si. Cubanguk in kannih pakhat cio khal Jesuh Khrih zumtu kan si bangin kan thalarau nun harhdamnak hrangah kan hrial dingmi thil pawl an um. Ca Thianghlim in kan thlarau nun in ziangmi pawl a rem lo (allergic)  timi in khihhmuh.           

A ttha lomi hmuahhmuah: 1Thes. 5:22 sungah kan hril dingmi in theihter. Ziangahtile thil ttha lo tuah cu thlarau hrangah a ttha lo ti a lang.        

Aatthlakza le zianghman thei cuca lo ih thu el-awknak (2Tim. 2:23, Titus 3:9): Himi cu hmuh thiamnak a si, ziangahtile zumnak ttan ruangih el awknak a si ahcun tthatnak a um nain zianghman tthathnemnak um lo le thudik suahtertu a si lomi el awknak cun huat awknak a suakter.           

Nupa sualnak tuah duhnak (1Thessalon 4:3): Bible in mai’ nupi le pasal siar lo midang thawn nupa sualnak tuah cu sual a si a ti (Seem. 2:24, Suah. 20:14, 1Kor. 7:2, Hebru 13:4).           

Kan thlarau nunnak hrangih a rem aw lomi (allergic) pawl tuah lo ih um duhnak thinlung ttha le tumtahnak dik kan nei maw?        –Dave Branon 

Tuih sun ah sual ih thlemnak hrial aw,

Sual tuah duhnak neh aw;

Cu lo asile sual in a lo uk dingih,

Ni khatkhat ah a lo neh lan tata ding.   – Bosch

 Sualnak hrial cu sualforhnak kha a zik ih tan vek a si.

 

 

Comments

comments

Comments

%d bloggers like this: