A Tling Tawk

December 6

Tlawngkai Nili

 

A Tling Tawk

                                                           

Bible Siar Ding: 2 Thess. 1:1-2

 

Kan Pathian in a lo kawhsannak thawn mil aw in nan nun theinak dingah kan dil ringirng.

–  2 Thess. 1:11

 

Pathian ih kawh tlak si dingin ziangmi so kan tuah dingmi a um? Mi ttha lo in ziangmi thil ttha so a tuah theimi a um? Kawhhran ih biakkhawmnak in kan taa a si lomi hmun ah in hruai thei? Vei ziangzat lai saw thla kan cam? Ziangtikah Pathian ih kawhtlak mi ah in cosaang?

Thuthang tha (good news) – si lo, thuthang maksak (great news) – cu Pathian ih kawhtlak mi si dingin tuah theimi zianghman kan nei lo, ziangahtile kan tuah thei lo ruangah. Kawhtlak mi kan si theinak umsun cu Pathian in a zaangfahnak (grace) kha kan parah a burh ih A Fapa Jesuh ih thiisen in kan sualnak zate a khuh tthehnak zawnte ahkhan a si. Cumi cu thudik asile Paul ih, “Kan Pathian in a lo kawhsannak thawn mil aw in nan nun theinak dingah thla kan cam ringring” a timi in ziang sullam a nei?

Biaktlak Pathian in Amah ih tlintlaknak (worth) in pe a si. Kan hrangih in tuahsakmi vekin kan nung maw? In pekmi tlintlaknak ah kan um pehzom maw asilole vanlam kawhnak thawn mil aw loin lamhlapi ah tlanhlo tahrat in laksawng in pekmi tla kan ke in kan pal men pang maw?

Tlintlaknak cu kan hlawh theimi a si lo. Pathian zaangfahnak sunglawi a si.

 

Bawipa, Nangmai’ in zaangfahnak ih tlinnak parah hngatsan loin keimah te tthatnak tuah ih Na hmaika ah mi tling si ka tumnak le ka zuamnak pawl hi in ngaithiam hram aw.

Pathian ih zaangfahnak thawn mil-aw dingin ka zuam ciamco maw? asilole Amai’ tlintlaknak sungah ka nung sawn?

Cumi pahnih ih danglamnak cu ziangti’n ka thei thei pei?

 

@Ava Pennington

Comments

comments

Comments

%d bloggers like this: