A Tlar Awmi Ram Pahnih

December 21

Tlawngkai Nihnih

A Bangranmi Ram Pahnih

Siar:

Luka 2:1-7

A saangbik van ahkhin Pathian cu thangtthat si ko seh, a duhdawtmi minung pawl umnak leilung ah remnak leng ko seh.   – Luka 2: 14

Kumkhat Sung Baibal:

–   Micah 4-5

–   Thuphuan 12

A thupizetmi zumnaklam thil umtu daan pawl hi atu le tu keimahte ka ruat ttheu. Thutthimnak ah vanzamleng cawlhnak ah a dingih hnattuannak uniform thawn mi thupizet a bang mi pawl, kutken dip pheeng an sir ah an kai ih miburpi umnak hmun dangih an feh hlanah coffee zuarnak hmai ah an cawl lawk mi pawl. Hi pawl lak ihsin Pathian Thu a ruat dahtu an um pei maw aw?, ti’n.

Christian pawl in a danglammi zumnak a bangran awmi lei le van thu an phuang. Universe pakhat leilung cu thlalang, kahpa thir, tuuhmul ih tahmi hnipuan, savun ih tuahmi kutken dip pheeng, le coffee rimhmui tivek pawl thawn a khat. A dang Universe pakhat Vancungram ahcun vancungmi pawl, thlarau huham pawl an um. Kannih cu kut ih tham theimi thilri umnak leilung ah kan um; mit hmuh lo Vanram ih rammi sinak kan ruat tikah zumnak a ttul.

Lei le van ih thuneitu Bawibik in leilung daan hnuai ah nung dingin a rung ttum tikah Christmas in thu le hla ziangkim a lingletter thluh. Bethlehem ah lei le van cu hmaisa ih an um daan kelte vekin rem awkter saal an si. Pathian ih tumtahmi lei le van karlak ih buainak cu remdaihnak um saal ding in Jesuh leilung ih a ratnak thawngin tuah suak a si zo. Vancungmi pawl ih hlarem mawi sakmi in tuukhal pawl lawng si loin lei le van a hninter (Luka 2:13-14).  – Philip Yancey

Veikhat lai ah van sunlawinak ihsin,

Kan siat le hloralnak thuk sungah a rung ttum;

Jesuh a ra, in rung hawl- Aw, duhdawtnak ih thuanthu,

Rannung rawl einak kuang le thinglamtah ah a ra.   – Strickland

Christmas ih tawhfung ttongfang: “Immanuel

– Pathian kan hnenah a um!

Comments

comments

Comments

%d bloggers like this: