A TLAMTLINGMI TONGKAM

January 21

Tlawngkai Nithum

 

A tlamtlingmi T.ongkam

 

Siar:

Suahlannak 3:13-18

 

Maw Bawipa khuazing pawl lakah a lo bangtu zoso a um? Thianhlimnak ah na maksak, sunlawinak ah ttihnungza, thiltitheinak ah mangbangza. – Suahlannak 15:11

 

Kumkhat sung Baibal:

          Suahlannak 1-3

          Matthai 14:1-21

 

Nauhakte ka silai ah nitin diary ka ngan sannak tumtahnak thup cu tlamtling mi catluan ngan ding a si. Ziangvek a si dingih ziangtluk a ttha ding tiah ka ruat ttheu. Tuahnak (verb) hngetkhohzet pakhat le sinak simfiangtu (adjective) pawl an tel ding ti’n ka ruat.

 

Catluan tlamtling ka nganmi cu ka lung a kim thei dah lo. Suahlannak 3:14 sungah Pathian in Moses cu hrambur kaang lak ihsin a ko ih a mi pawl Izip sal ihsin hruaisuaktu dingah a hrilmi a si thu a sim (c 10).

 

Bawipa in a simmi cu, “Keimah cu KEIMAH ka si,” (c 14) a ti. A hmin maksak a hmannak ihsin Moses hnenah kumkhua ih a ummi Pathian a sinak a ttongkam pakhat in a theihter.

 

Baibal simfiangtu G. Bush in a ti: Amah cu Pathian dang hmuahhmuah hnakin a lamdang, Pathian dik pakhat lawng a si, Pathian ngaingai kumkhua ih um, Amah te ih um suakmi, danglam dah lo, a sim vekih a um ringring dingmi a si.

 

Pathian in keimah cu KEIMAH ka si a ti. Amah le a hmin cu a tlamtling. Upatnak thawn a hmai ah kun ding kan si.

 

Ngai uh khinah a um! thosaal Tuu Fano,

Ka famkimnak soisel ding um lo dingfelnak;

Maksak danglam dah lo KEIMAH,

Sunlawinak le zaangfahnak Siangphahrang.

 

Famkimnak na hawl maw? Jesuh zoh aw.

(Visited 25 times, 1 visits today)

Comments

comments

Comments

%d bloggers like this: