A Tlamtlingmi Peknak

July 11
Tlawngkai Nithum

A Tlamtlingmi Peknak

Bible Siar Ding: 1 Siangpahrang 17:1-16

Cule ziang hmuahhmuah famkim in Khrih Jesuh sung ihsin ka Pathian in nan ttulmi poh a lo pe ding.
– Filipi 4:19

Malte lawng kan neih caan ah kan neihsun kha kanmai’ hrangah kaih fek kan tum. Cuti ih kan tuah tikah Pathian in kan hrangah a tthabik in tuahsakmi kan tthelh ttheu a si.

Israel ram sung midang pawl vekin, Zarephath khua ih nuhmei nu khal in Pathian ih an miphun parih thutthennak a tluntermi rawl ei ding nei lo paam pi cu a tuar ve. Cuih caan laifang ah profet Elijah cu nuhmei nu inn ah a thleng. Hih nuhmei nu in a fapa le amai’ hrangah a netabik rawl veikhat ei ding lawng a nei ih cumi hnu cu rilrawn thei aw cuahco cingih thi ding dinhmun an si.

Yahweh Jireh in himi caan laitak ah nuhmei nu in A profet cu rawl ei ding pe dingah a duhsak ngelkher. Elijah in a hrangah ei ding rawl pek hmaisa dingin le cumi hnu ah amah le a fapate hrangah ei ding tuah dingin a sim.

Nuhmei nu in a neihsun sangvut le siti malte takte cu amai’ hrangah ret a duhzet ding. Sikhalsehla, Bawipai’ profet ih dilmi vekin a tuahsak thotho. Cuti’n amah le a fapa hrangah vanruah a sur hlan lo paam sung hmuahhmuah rawl ei ding tlasam loin an um.

Bawipa cun nuhmei nu hmang loin khal lamdangzet in A hnatuantu Elijah cu a cawm theituk ko, asinan cuti sisehla nuhmei nu in tlamtlingzet ih peknak thluasuah a co ngah lo ding a si. Nuhmei nu in thluasuah a donnak cu Pathian thuthlunnak, Yahweh Jireh rin ngamnak parah a tthum aw a si.

Pathian ih thluasuah tlamtling pekmi dong ngah loin kan tthelh pang maw? Kan neih sun malte takte kha kanmai’ hrangah tiih kan ham ttengttengnak in!

Yahweh Jireh, ka neihsunte Na sim vekih hmang thiam dingin le Nangmai’ pek ding rinsan hna thiam dingin in bawm aw.

Ziangmisi Yahweh Jireh in ka hrangah kaifektuk lo dingih in kawhnak le Amah ih tlamtling pekmi ka ruahsan ding?

@ Ava Pennington

(Visited 32 times, 1 visits today)

Comments

comments

Comments

%d bloggers like this: