A Tipalh dah Lo

June 14
Tlawngkai Nili

A Tipalh dah Lo

Bible Siar Ding: Saam 139:13-18

Ka nu pum sungih i sersiamtu Nangmah na si.
– Saam 139:13

Thlalang zoh hi ka duh lo. Thlalang ka zoh tikah, a caancaan ah ka mangbangmi cu ziangruangah Pathian in ka hnar hi sautuk in a tuah? Ka kaa le kautuk in a tuah, ih ka ruangpum le niamtuk in i sersiam ti’n ka ruat ttheu.

Siangpahrang David cun Pathian in milai pakhat cio in seemsuah daan thu a ruah tikih a mangbangnak thu a rel. David in Pathian cu mi pakhat cio ih nunnak a terekte tiang sersiamnak sungih an tel zia rinhlelhnak pakhatte hman a nei lo. Sersiamtu Elohim Pathian in hmuh a theih lomi ka nu pum sungih kan umlai ihsin ka taksapum ziangkim hi thiamzet le nasazet in khuaruahharza in a tuah timi a fiang.

Kan nu pum sungih kan seemtir ah kan nunnak cu facirikte khi a si, minung mit cun hmuh theih hman a si lo. Cumi dinhmun kan silai ihsin Pathian cun in hmu thluh lawng hman si loin, ziang kan hung silai ding timi tiang in theih ttheh cia zo. Vunneel vut pakhat hnakin kan fate sawn ko nain cii le kuang ahcun mi pakhat cio in sinak famkim le danglamnak rak nei cia zotu kan si. Kan sinak zate: kan mit le kan sam ih rong, kan niam le kan saan, kan mizia ding pawl khal ruangzing cia an si. Naute ih in vun hnu ah kan tthang si loin Pathian ih lairel cia vekin kan tthang vingvo sawn a si.

Sersiamtu Elohim Pathian cun nangmah le keimah tel in sersiammi zate hi Amah sunloihtu dingah a tumtah. Cumi sungah kan suahnak, kan innsang, kan hrinhnam, kan thiltitheinak le kan sinak ziangkim an tel thluh. Pakhat cio sinak danglam nei ciar dingin in sersiam ih Pathian cu ziangtik hmanah thil a tipalh dah lo.

Elohim Pathian, Na tumtah famkimtertu dingah ka nunnak hi danglam hleice ih sersiammi ka si zia hmu fiang thei dingin in bawm hram aw.

Pathian cu i Sersiamtu Elohim Pathian a si ti ka theihfiangnak in
keimah le keimah siseh, ka kiangkap siseh
ka hmuh daan a lamdangter maw?

@ Ava Pennington

(Visited 29 times, 1 visits today)

Comments

comments

Comments

%d bloggers like this: