A Tikcu A Ra Thleng ding

March 8

Nipi Ni

A Tikcu A Ra Thleng ding

Siar: 2Timote 4:1-8

Mi in a dikmi zirhnak kha thlun duh loin anmah ih duhmi sawn an thlun caan a ra thleng ding.        -2Timote 4:3

Kumkhat Sung Baibal:          Daan. 5-7

         Marka 11:1-18

USA Today timi cabu sungah tusan ih nu le pa pawl in an faate pawl zumnak phunphun zirter an duh daan thu a ngan. Ema Drouillard cu puai tawlreltu a si ih nupa te in an fanu Greer hrangih puai hoha sak dingah an dil. A nu in, “Kan fanu hi thlarau  tum deuh in lamhruai dingah kan duh sak, ziangmi fekfek ti cu kan ti lemlo na’n a zate tel thluh ding kan duh,” a ti. An nupa in, “Greer hrangah Khristian cu puan te’n kan laak, anih hi vancungmi, lasi, phuung le Santa Claus pawl a zum,” tiah an ti. Himi in tusan ih kan nunphung humhimnak ah Baibal ih thudik cu niamzet ah an ret ti a lang.

 Paul in Timote hnenah mi in a dik lomi thuanthu menmen sawn ngai an duh dingih a dikmi zirhnak kha thlun an duh lo caan a thleng ding tiah a sim (2Timote 4:3-4). A dik lomi zirh sualnak a karhzai dingih mi tampi in an pom ding, ziangahtile an taksa hiarnak di an riamter a si. Anmah pawl cu nunnomnak an hiar ih anmai’ duhzawng hlir lawng zir an duh. Paul in Timote kha hitivek zirhnak cu Pathian Ttongkam vekih zirhnak in dodal dingah a sim.  A tumtahmi cu an lung fiang dingin sim ding, kawk a ttul le kawk ding, forh a ttul ahcun forh dingah a si (c. 2).

                            Zumtu kan si bangin Pathian Ttongkam zirh ding le thlun dingih kawh mi kan si.

                                                                                    Bawipa na Thu thiang in zirh aw,

Adik lomi theithiam dingin;

Na Thiang Thlarau tleunak thawn in bawm aw,

Satan ih thang sung ihsin luat dingin.

                                                   Pathian Ttongkam ah ding aw, sualnak ah na tla lo ding.

(Visited 27 times, 1 visits today)

Comments

comments

Comments

%d bloggers like this: