A Thupte Ih Simmi Thil pawl

September 16

Tlawngkai Nithum

 

A Thupte Ih Simmi Thil pawl

 

Siar:

Efesa 4:25:32

 

Mifim cu a ttongkam in zaangfah a hlawh;

Mi-aa cu amai’ hmurkaa in a siatsuah.  – Thusimtu 10:12

 

Kumkhat Sung Baibal:

–   Thufim 25-26

–   2Korin 9

 

Mi hrekkhat in hmin ngan lo hi ttihhrut pawl ih tuah daan a si an ti. Hmin ngan aw loin mi thil tuahmi relsia, soisel, mah ruahnak simmi ca tampi ka siar. Cuvek pawl cun mi thinhengter ding le ningzakza sual hawl soiselnak tuah dingin zalennak kan ngah tiah an ruat aw. Hmin ngan lonak in mai’ ttongmi parah ttuanvo laak lo, zaangfahnak nei lo minung a siter hngai.

 

Kei khal ka ttongmi a si ti ka phuang duh lo tikah hmin lo ih cangan duhnak sualforh ka tuar ttheu. Cutikah cawl lawk in khua ka ruat saal. Kan hmin langter kan duh lo ahcun ngan loin kan um asile a ttha sawn ding. Ka hril ngahmi cu ngan lo ih um, asilole mi siatsuah zawngin si loin mi bawmtu si ding zawngih ngan timi hi a si.

 

Paul in Efesa cakuat ah: “Nan biak awk tikah…ttong ttha le ttong mawi hmang uh,” (Efesa 4:29) a ti. Hmin ngan duh lonak ih tumtahmi cu mi bawm ding si loin mi thangsiat duhnak le mi tuahmawh duh ruangah a si.

 

Na innsang mi, na hnattuanpi le na Pastor hnenah thuthup sim dingin tukforhnak na ton tikah ziangruangah na hmin phuan na duh lo timi ttha tein ruat hnik aw. Hmin phuang tahrat in na sim duh lomi thu hi Pathian khal in lo phuanter a duh lomi thu a si thei. Pathian cu zaangfahnak thawn a khat ih a thin khal a sau (Suah. 34:6) vekin thinsau ding kan si.

 

Bawipa, lam dang hoi dingin in bawm aw,

Mai’ zawn lawng ruat ih puarthaunak ttongkam ihsin;

Cuti’n Na faale pawl cu an si ding,

Na duhdawt mi Fapa duhdaw le thangtthatnak in.

 

Hmin phuang lo ih cangan cu mi tuahmawhnak ttongkam thawn

dunglam ah a relhtu mi ttihhrut pawl ih nunzia a si.

(Visited 25 times, 1 visits today)

Comments

comments

Comments

%d bloggers like this: