A Thupimi Asung Peknak

December 20

Tlawngkai Nikhat

A Thupimi  Asung Peknak

Siar: Luka 1:26-38

A cakmi Pathian ih kut hnuai ah tangdor tein um uhla Amah in caan a kim a ti tikah a lo khaisang leh ding. 1 Peter 5:6

Kumkhat Sung Baibal:

–   Micah 1-3

–   Thuphuan 11

Sankip ih thuanthu ah Jesuh Khrih ih nu Mary cu sangzet ih hmuh a si. A dikzet. Caan reipi rak hngahmi Messiah hringtu dingah Pathian ih hril minu a si.

A nunnak ih thupitnak kan hloter hlan ah Pathian ih pekmi hnattuan hrangah a sung a peknak thu kan zoh pei. Galilee ram ih pakhat le pakhat thu theih awk tthehnak khua fate ih a um ruangah tthit awk hlan naupai ih ningzahnak a tuar ding.  Vancungmi le Thlarau thianghlim ih an rak tonnak  thu a nu a sim rero na’n san a tlai cuang lo a si thei men. Sim ttul loin a naupaimi in Joseph thawn an tthit awknak ding a hnaihnok in a siatsuah thei. Joseph teh ziang a sim pei? Joseph in teh a zum pei maw?

Hi tivek a bulpak thil um daan tampi lak ihsin Jesuh ih nu si ding a ttuanvo a rak simtu vancungmi a sawnkir daan cu mangbangza a si. “Kei cu Bawipa ih sal nu ka si. Na sim vek cun ka parah si ko seh,” (Luke 1:38) a ti. A ttongkam ih in theihtermi cu nunnak ih thil thupi cu a man ruat loin Pathian ih duhnak tuah dingah a sung pek duhnak thinlung ihsin a ra ttheu.

Ziangvek hmuhtonnak thupi na hrangah Pathian in a lo ret sak? A hnenah asung peknak thawn hram a thok ding.   – Joe Stowell

Ziang ka lo pek ding, Bawipa?

Ka thlarau na tlen zo;

Ka laksawng cu a fate nain ka neihmi zate a si,

Na uknak hnuai ah ka ap aw thluh.   – Grimes

Pathian hnenih asung peknak in                                                                       na nunnak sungah a hnattuan thupi a suahter.

(Visited 23 times, 1 visits today)

Comments

comments

One Comment

  1. Dear Saya Run,

    Himi thu hi a tha ka ti tuk.
    Thazang ka ngah.

    Pathuam
    ======

Comments

%d bloggers like this: