A Thukzetmi Fimnak

August 7

Tlawnkai Ninga

 

A  Thukzetmi Fimnak

 

Siar:

Mark 8:34-38

 

“Zokhal keimah i rian duhtu cun i thlun hrimhrim a ttul dingih ka umnak ah a um ve ding. Cule zokhal keimah i riantu cu ka Pa in upatnak a pe ding” tiah a ti. –John 12:26

 

Kumkhat Sung Baibal:

–   Saam 72-73

–   Rom 9:1-15

 

Phunsang tlawng ka kailai ah ka hnattuanpi truck-car mawngtu Bud in a thukzetmi fimnak in thazaang in pek. Ni khat ni suncaw kan ei lai ah tlawng dangih ka tthawn ding thu ka sim.

 

“Ziangah maw?” ti’n i sut ih, “Ka rualpi pawl an zaten an tthawn ttheh ruangah panteh,” ti’n ka let.

 

Bud cun a sang ei phah in nuam te’n, “Tlawng hril daan phunkhat a si ti’n ka ruat,” tiah ruah ding umzet in a ttong.

 

A ttong in ka thinlung sungah hna a ttuan ih ka ruat nasa. Himi lawng maw tlawng hril daan? A taang laimi ka nun sungah rualpi maw Jesuh ka thlun ding? A mit-hmai le a duhnak hawl in fehter i duhnak hmunah ka feh pei maw?

 

Thukam Thar sungah Jesuh in a dungthluntu pawl hnenah, “I thlun aw,” tiah vei (25) lai a timi kan hmu. Mark 8:34 ah Jesuh in, “Zokhal keimah i thlun duhtu cun amah ih duhnak taanta sehla a thinglamtah phur in i thlun seh,” a ti. Midang in ziang an tuah ih khui zin an zawh khal le kannih cu Amai’ ttuanter in duhmi kan ttuan ding.

 

Hla hlun pakhat cun: Nelrawn ram ah ka Bawipa in lamzin a thei, ka tuah dingmi cu Amah thlun hi a si.

 

Nunnak lamzin ka thlun lai,

Fehnak lamzin ka hmu lo na’n;

Jesuh keneh ka thlun ding,

Ziangahtile ka hrangah tumtahmi a nei.

 

Nunnak lamzin tong suak dingah Jesuh thlun aw.

(Visited 25 times, 1 visits today)

Comments

comments

Comments

%d bloggers like this: