A THLA PARAH

January 14

Tlawngkai Nithum

 

A Thla Parah

 

Siar:

Matthai 10:27-31

 

Curuangah nan thinphang hlah uh. Sunttam tampi hnakin nan man a khung sawn a si.     –Matthai 10:31

 

Kumkhat sung Baibal:

          Seemtirnak 33-35

          Matthai 10:1-20

 

Alan Tennant ih nganmi On the Wing cabu sungah khaute ih zuannak a hminsinmi a ngan vingvo. Hih vate  ih mawinak, zamrang daan le sa a pel daan pawl hi theih tthazet a si. Vansiat ah 1950 hnu deuh hrawngih cucik kharbok thahnak sii-DDT nasazet ih hmannak in a siatsuah hngai ttheh.

 

A zoihnit paihtuk ruangah Tennant cun khaute parah an zamnak theih theinak dingah cette (transmitters) a bun. Cuih vate zamnak cu vanzam fate thawn an thlun rero nain vei tampi cu lamzin an hlo thotho. Cet lam thiamnak thawn nasazet in an zuam rero na’n cuih vate zamnak kip ah an thlun thei lo.

 

In kilkhawitu Pathian in ziangtik hmanah kan umnak a hlo dah lo ti theih hi a tthazet. Jesuh in, “Sunttam vate pakhat hman Pa ih thu loin leilung ah a tla lo… Curuangah nan thinphang hlah uh. Sunttam tampi hnakin nan man a khung sawn a si” (Matt. 10:29-31).

 

Harsatnak kan ton tikah ttihphannak in in mangbangter ih Pathian in in thei pei maw kan ti ttheu. Jesuh ih zirhmi sungah a fiangzetmi cu Pathian in nasazet in in kilkhawi ih ziang hmuahhmuah a kut sungah a um timi hi a si. Kan nunnak sukso in zoh thlunnak hi ziangtik hmanah a tthelh dah lo ding. –Dennis Fisher

 

Ka duhmi hmuah Bawipa ka sim ding,

Ka donharmi hmuah a parah ka tthum;

Ka phurrit hmuah a parah ka tthum ttheh,

Ka phurh thei lomi phurrit. -Weigle

 

Pathian in vate hman a kilkhawi ahcun

A faa le pawl cu in kilkhawi lo ding maw?

(Visited 27 times, 1 visits today)

Comments

comments

Comments

%d bloggers like this: