A Thiang Lo Maw? Thiang Thlang Aw!

March 30

Tlawngkai Nikhat

A Thiang Lo Maw? Thiang Thlang Aw!

 Siar: Marka 1:40-45

Jesuh cun a zaangfah ngaingai, A kut in a hei dawh hnu ah a tham ih, “Ka lo thiangter duhzet a si, thiang thlang aw,” tiah a ti.  – Marka 1:41

 Kumkhat Sung Baibal:   Thutthentu 9-10   Luka 5:17-39

Marka 1:40-45 ka siar tikah ka mit-thlam ah hiti’n ka hmu:

Anmah lam pan in an hnenah a rero kha an hmu. A kut zap in a hnen naih lo ding ralrinnak a pek hngai.  A hnar le a kaa a khuhmi in zo a si ti cu an theithiam. A hnipuan a tlek ih a vun khal a hawk. Amah cu a thianghlim lomi miphar a si.

Jesuh kiang ih ummi miburpi cu an hnenih miphar a ra naih tikah an kian ttheh. Mi hmuahhmuah in amah thawn dai awk ding an ttih, ziangahtile anmah khal mi thiang lo ah an cang ve ding a si. Miphar pawl cu biakkhawmnak hmun le milak ah tel lo dingin khammi an rak si ih anmah lawng riahsiazet in a dang tein an hnipuan thlekin thih ding hngakin an um.      

Asinan hih miphar pa in Jesuh ih ke hram ah a hlon aw ih vansannak le zumnak thawn damnak a dil: “Na duh a si ahcun i thiangter thei ko a si,” (c. 40) tiah a ti. Jesuh in zaangfahnak thinlung thawn a kut in a tham ih, “Ka lo thiangter duhzet a si, thiang thlang aw,” (c. 41) tiah a ti. Jesuh in a damter ih Biakinn ih puithiam hnenah va hmuh aw dingin a fial.

Jesuh cu mi thianter theinak, mi ngaidam theinak, sualnak sungah bawmtu nei lo le ruahsannak nei lo ih a taang mi le suah ngaihnak thei nawn lotu pawl ih nunnak rem ttha saal dingin huham a nei. “Ka lo thiangter duhzet, thiang thlang aw,” lo ti dingin rinsannak thawn Jesuh hngohsan aw.

                                                                           Rundam dingin Rundamtu in a lo hngak lai,

Na sualnak hmuahhmuah thianter dingah;

Zumnak thawngin ngaidamnak famkim na nei thei,

Tu ni ah sersiam thar mi ah cang aw.

 Jesuh cu nun rem tthat saal daan thiambik mi a

(Visited 17 times, 1 visits today)

Comments

comments

Comments

%d bloggers like this: