“A” thi (A Blood Group)

“A” thi (A Blood Group)

Francis Lal Uk

#”A” thi nei pawl hi hlanlai ahcun sa eilo/ hanghnah hangrah lawng ei pawl an rak si.

# Hanghnah cin tla an paih ce.

# Natnak khamawktheinak hi thi dang nei pawl hnakin an nei t’ha cuang.

# Ei in ah an thu a tamlo ih kiangkap ih zirin an ei thei hluahhlo.

# Thin dai le rem tei’ um pawl an si ih thinbangnak an kham aw thei zet.

# “A” thi nei pawlhi an nauhak lai ahcun midang zawnruahnak hi an neituk lo in maih hrang lawng ruat an si tlangpi.

# Mi tihrim le mi va soi/roh tla an paih zet. T’ong tamzet an si t’heu.

# Sinan an hung upat veten danglam zetin an thlengaw t’heuih mi dai te le mahte um pawlah an cang t’heu.

# An parih t’uanvo pekmi neh tengteng an duh zet.

# An innsang le an kiangkap buaibainak a um tikah an thinlung an thlahthlam pang t’heuih hlotlau le santlailo ah an cang ol.

# Thilthar tuah le hmunram tharih um tivek an paih tuklo ih, maih ti kelte le mai’ um t’hangnak ih umtlan hi an hmarngai sawn t’heu.

# Hna pakhatkhat an t’uan khalah hmanmawh ciamco ti an nei cuanglo ih ti cutco tei’ t’uan pawl an si.

# An hnat’uan mi ah felfai zet ih t’uan pawl an si ih, hnat’uan thar thleng ruri tivek hmanglo in an t’uankel te ih hnangam ringring thei pawl an si.

# Ziangvek thu khal ah duh le ‘Duh’ duhlo le ‘Duhlo’ ti fukfo mai an hman t’heu ruangah mi ih “Na ti kherkher” ti an hlawh t’heu.

# A kelte ih um duh pawl an si ruangah thuhla tamdeuh/ hnok deuh an ton tikah an thin a hnok theizet ih ziang tuah thiam huaha lo ih um an hmang.

# “A” thi pawlih ziaza t’hazet pakhat cu mi’h thin nom ter an duh zet mi hi a si.

# Midang khi an zum tuk lo t’heu ih, an mai’ thuhla khal mi va sim ciamco an duh t’heulo. Curuangah mi an pawlkom tikah ralring zetin an umih karlak ah phar dang deuhih mi pawlkom an hmang.

# Thinnomnak ih cawlh hahdam an ngaina zetih cawlh caan ih leen le tawivah khal an paih zet. Cuvek hrangah cun sumpai an ui lo thei zet.

# Milak ih tel ciamco hnakin mahte um ngeungi hi an duhsawn t’heu.

# An boss tivek ih kawk an tuar caanah reipi tiang cin ringring an hmang ruangah le an thinheng zet caan khalah thinlung sungih ret men an hman tuk ruangah an thin a bang thei zet.

Curuangah a caancaan ah t’ul lo pipin beidong caan an nei t’heu.

# Thil pakhat khi rinhlelnak thawn zoh an hmang zetih thleng danglamnak khal an pomrem harsa zet t’heu.

# An thin a tawi zet nan, an thinheng zet khalah langter lo ih um an thiam.

# Mi’h t’ongkam le ruahnak pekmi ngai poimawh zet pawl an si.

# An bulpak thuhla le an hnat’uan thuhla an thleidang thiam ruangah felfai zetih hnat’uan thei pawl an si.

# “A” thi neitu pawlih t’hat hleicenak pakhat leh cu an mawhphurhnak parah t’uanvolak ngamnak an nei mi hi a si.

Laknak : Internet hmun dangdang ta…

(Visited 287 times, 2 visits today)

Comments

comments

10 Comments

  1. Maikhuaitizu says:

    U Francis, in hlawm tha tuk. In hlawm zel aw. Na ca siar dingin ka rak tiar aw ringring.

  2. Salai Ku Ku. says:

    Salai Francis,

    A tha zet.
    Kei hi ziang thi ti ka thei aw lo. Ka cek dah lo.
    Thi thuhla na ngan mi pawl ka siar theh le ziang thi ka nei ti hi ka thei men ding a bang. Na ngan thiam tuk ee.

    Ka lung aai.

  3. Na ngan ttha na sa!
    Ne ta tla tam pin rak ngai hrih aw.

    Lungawi.

  4. A tha zet.. kei tla A Thi nei ka si..

    Kawl Ram (Kalaymyo Tahan) kan um lai ah USA tanzung luh nak ding Thi sit a tul ih

    Wesley leh Bethany( Doctor Zara) leh ( Doctor Than Bil Luai) hnen ah diriam zet in kan sit ih A in ti ve ve..

    Cu theh in Yangon ah American Tan Zung kan lut ih SOS ah thi kan sit lala ih A in ti tho2 .. cu ruang ah Tu khal hi A ka si lai ding ti ah ka ruat..

    A thi nei pawl hi vek an rak si ti hi a tam sawn cu kei mah nau hak hman in nan ngan mi sung ah a dik mi e ka ton mi tam pi cu a um ngai..

  5. A si ngai a tam sawn cu ka thei mi ah an si. Kan nu hi A a si ih a mah lawng te a si lo deuh mi ap thum a um. ka man rawn ka rawn lo simleh ding lungawi.

  6. va dik ve, el thei tu um maw? Thin sia, thintawi “A” thin si ko. na ti tha tuk ka thei aw curco.

  7. Na ca ngan lo sawisel si lo in t”uan lai ca ih kan hmang theu hi a siar a nuam lo na sa computer ah fullstop a hman theih nan si. tt hmang ih ngan tu kan lai mi ah an tam tuk lo in ka thei. T a tum leh t a te hman kha mi in a thei thiam in a duh sawn.

  8. ca siar tla a nuam.

  9. Na ngan mi ka rak siar ngah tik ah ka nau hak lai pawl ka mang suak rori,a tha nasa hi vek na tarlang hi zo vek in kan tul si,a dik ka ti zet kei khal A ka si ve ih ka nun thawn a mil awtak

  10. “B” Thisen thu kha teh na rak ngan zo maw? Ka siar caak nawn…Na thiam na sa..

Comments

%d bloggers like this: