A Theicia Zo

August 2

Tlawngkai Nikhat 

A Theicia Zo 

Siar:

Matthai 6:5-8 

Anmah vek va si hlah uh. Nan ttulmi cu nan dil hlan ihsin nan Pa in a thei cia zo.  – Matthai 6:8 

Kum khat Sung Baibal:

–          Saam 60-62

–          Rom 5 

Ka rualpa, miseenpi khualtlawnnak  vanzamleng mawngtu pakhat in van ih an zuan rerolai ah ttihnungza cetlam tthat lonak a tonmi thu in sim. “Cuvek ih a canlai ah ka tonak hmai ah raalrin peknak meisa ka hmu rero, netabik ahcun tluang te’n kan ttum thei,” a ti.           

An ttum vete’n a mawngtu pilot cu a vanzam rak kilkhawinak zungah a feh lohli  ih a tonmi pawl a va sim. A va report nak ihsin a theihmi cu, “Na tonak hmun ih raalrin peknak meisa na hmuh vete’n kan rak thei cia zo, tuah dingin kan rak raalring cia, kan hnenah tla raalrin peknak kan rak ngah ve si maw,’’  an ti ih a mang a bang lehlam.           

Cuih thilcangmi in ruah tikah zianghman sim ding ka thei lo na’n Jesuh ih simmi vancung ih  kan Pa ih thuhla thawn ka tahtthim. “Nan ttulmi cu nan dil hlan ihsin nan Pa in a theicia zo” (Matthai  6:8). Sullam neituk lomi  ttong  tampi  le rei pipi thla an cam tikah Pathian in a theih sak cuang ding tiah an ruahmi duh loin a sim (c.7). Pathian cun a fale pawl ih ttulnak a theih sakcia thu Jesuh in a sim.           

Pathian cun kan ttulmi thei hmansehla, A hnenah thu kan thlenh ding in duh sak. A zaangfahnak ruangah kan thlacamnak theih sak ding le kan ttonttaihnak tuah ttha dingah a raalringcia zo.     – Bill Crowder

 Pathian cun kan ttulmi hmuahhmuah thei hmanseh,

Amah kan sim ding a duh;

Amah thawn pawlkom dingah in hruai,

Thlacam dingah in ko.    – D. DeHan 

Thlacamnak cu zumnak ih aw a si,

Pathian in a thei ih in ngai sak ti rinsannak a si.

(Visited 19 times, 1 visits today)

Comments

comments

Comments

%d bloggers like this: