A Thar Hnakin A Ttha sawn

November 20

Tlawngkai Nihnih

 

A Thar Hnakin A Ttha sawn

                                                           

Bible Siar Ding: Saam 23:1-6

 

Ka thazaang a tlungter saal ih

i tiam cia vekin lamzin dingah i hruai.

 Saam 23:3

 

A liamciami kum maltelai ah, kum sawmriat a rei zomi a sen-pawl rong zuk rin lopi in ka hmu ngah. A zim tete pawl an ttet thluh thlang, a lai ah a kil le kil in x vekin a kekkuaimi rin a um, ih tidai formi in zuk cu a malhter thluh. Cuih zuk pakhat te lawng cu kan innsang ih kan neihsunmi ka pasal ih a pi in a ret tthatmi innsungsang zuk a si. Zuk remtu pa hnenih kan va feh ttum ah cuih zuk cu in rak pek saal, ih a thar hnakin a ttha sawn.

Nang le kei tla cuih zuk vek kan si ve men ding. Pathian hmai ah sualnak ih siatsuah neekneekmi, ttet hnelhni le rop ttiamttiam tla kan si thei. Mi ih tisiatnak ruangah a kekkuaimi kan si thei ih khui ah ka feh ding ti hman thei nawn lo tla kan si thei. Colh caan malte le duhdawtnak malte ruahsan in hmailam ih kan feh tluan theinak dingah A bomnak cuantu tla kan si thei. Atu ih kan dinhmun hnak cun mallai cu a cuangmuar ko ding.

Cutikah Pathian cun A kut neem in in tonghtham ding. A pakhatnak ah, “A hmai ah midingfel ti’n in cosang ding, ih sualman thihnak cu in tthawn sak ding. Cun colhhahdamnak le thazaang thar in pe ding. Amah thawn caan tampi kan hman deuhdeuh tikah, A thluasuah thawn kan khat ding.

Pathian in in cakter saal tikah, Anih cun ttha deuh dingin in tuah a si lo. Anih cun thil thar hnakin ttha deuh in in tuah a si sawn.

 

Bawipa, Thazaang thar nei dingih in tonghthammi ka lungawi. Nitin Nangmah lawng a pakhatnak ah lo retu si dingin in bawm aw.

Ka ruahsanmi hnakih ttha sawn Bawipa ih tonghthamnak ka tonmi ka nunnak ah ziang a um? Amah thawn nitin pawlkom aw thei lo dingin ziangmi in so in dawnkham.

@Pennington

Comments

comments

Comments

%d bloggers like this: