A Thangtar Hnuai ah

July 18
Tlawngkai Nithum

A Thantar Hnuai ah

Bible Siar Ding: 1 Korin 9:19-23

Thuthangtha hi ka zahpi hrimhrim lo: ziangahtile a zumtu hmuahhmuah rundamnak an ngahnak dingah Pathian ih huham a si. A hmaisa ah Judah mi hrangah a si ih Gentile mi hrang khal ah a si ve.
– Rom 1:16

Mi pakhatkhat thawn bang dingah duhnak neih hi milai thinlungput daan pakhat a si. Mi hrekkhat in bang awk lonak kha a si lo zawngih mipi hiip le hruai dingin an tum ttheu. Sikhalsehla kan manmawhtuknak ah Khrih riangri kan tulsuak ngah ttheu.

Tirhthlah Paul in midang pawl thawn pehtlaih awknak a neih tikah anmai’ hmanmi le ttongfang le an theihmi zawn in pawlkom daan a thiam, asinan a tumtahbikmi: Khrih hnenih hruai thlenh ding timi cu ziangtik hmanah a theihhngilh dah lo. Paul cun Bawipai’ Thantar [Yahweh Banner] hnuai ih um ding cu a ningzak hrimhrim lo.

Tuni ah, midang ih cohlanmi si kan duhtuknak in Khrih hrangih theihpitu [tetti] kan si duhnak a nehkhuh sawn. Yahweh ih nehnak thantar hnuai ih um hnakin Khrih ih thinglamtah cu kan puan sungah kan thup sawn ttheu.

Kan hnattuanpi pawl in kan neihmi Pa hi zo a si timi an thei thei pei maw? Tthangso dingih kan zuamtuknak ah Khrih ih tetti kan sinak kan cokpolh ciamco thluh pang maw? Yahweh Nissi neitu kan sinak hi kan innhnen vengpa pawl in teh in thei maw? Midang ih thu sia rel le mi soiselnak hmun ah kan tel ve pang maw, asilole thinharnak a tuartu pawl hnenah Pathian duhdawtnak hlawm in thazaang kan pe sawn?

Yahweh Nissi thantar hnuai ih nun timi cun kan neihmi Pa ih taa kan sinak nunpi ti a sim duh. Amah cu kan beunak a si ti’n rinsan ding le midang pawl in Amah an hmuh theinak dingah khihhmuhtu nun kan neih ding a thupi ngaingai.

Yahweh Nissi, midang pawl in Nangmah an lo hmuh theinak dingah zohtthim tlak in ka nung thei ringring lo. Thinglamtah hi zahpi loin
Na thantar hnuai ih um ngam dingah i bawm hram aw.

A Thantar hnuai ih um ding ai ah, ka rin-umnak cu Yahweh Nissi hnen ihsin ziangti’n so ka thup awk thei ding?

@ Ava Pennington

(Visited 21 times, 1 visits today)

Comments

comments

Comments

%d bloggers like this: