A Taktak Um lomi Pianhmang

October 29

Tlawngkai Nikhat

 

A Taktak Um lomi Pianhmang

                                                           

Bible Siar Ding: 2 Tim. 3:1-13

 

Kan biaknak hi a lenglam cun an pom ding; asinain a sunglam ih a cahnak hmual ngaingai cu an hnong ding.

Cubangtuk minung pawl cu kom hlah uh!

– 2 Timote 3:5

 

A caancaan ah Christian kawhhran hrangih a nasazetmi ttihnungza in siatsuah theitu raal cu sunglam ihsin a rami a si ttheu.

Tuni ih kan Bible ca caang siarmi ah, tirhthlah Paul in mi tthenkhat pawl cu “Kan biaknak hi a lenglam cun an pom ding; asinain a sunglam ih a cahnak hmual ngaingai cu an hnong ding,” ti’n a sim. Cucing cun cuvek milai pawl cu kawhhran hmasa ah sungtel dinhmun in an rak tel thei ve mai.

Tuni khal ah cubangtuk thilcangmi hi kawhhran sungah kan hmu thei ve a si. Mi tampi in zumtu Christian ka si cu an ti aw ve, ziangahtile milai pawlkomnak (social) ah tuah ding a ttulmi ti’n an ruat ruangah, asilole cumi cu tthansonak a si ti’n an ruat ruangah, asilole midang pawl in thlaraumi ti’n in hmu hngai seh ti’n an tumtah ruangah  a si.

Anmah cu Pathian biakkhawmnak hmun ahcun an lut ih an tel ve, sihmansehla ziangkim tithei Pathian thawih pawlkom awknak sung taktak ahcun huham zianghman an nei lo. An mi ciahnehnak (influence) in kawhhran sungah tthekdarh awknak hlir a suahpi, Bible ih simmi vek cekci thutak cu an thlun duh lo ih Ca Thianghlim sungih ummi thu thawn kalhkeh aw zawng hlirin an nung.

Paul in hiti vekih mi siatsuah hmang le mibum duh ah si lomipi si awter (imposter) pawl cu fimkhurzet in hrial dingah ralrinnak in pe a si. A ruahnak pekmi hi a hak deuh mai thei, asinan cumi cu zumtu diktak kan nunnak ah bumnak lut thei hrimhrim lo dingin khamnak dingah lo theih lo ih a ttulmi le ziangkim tithei Pathian thawih kan pehtlai awknak kha hnaihnok lo dingin in humhimtu a si.

Bawipa Pathian, a lenglam lawng kan thurin pom tahrat in sunglam nun taktak ah huham nei lotu midepde le mibum hmang pawl thliadang thiamtu si dingin in bawm hram aw. nungmi thei dingin in bawm hram aw. Bummi ka si lonak dingah Na huham sungah Pathian mi taktak si dingin in kilhim aw.

Miburpi ih biakkhawmnak sungah, asilole keimah bulpak daihrial caan ka hman tikah thungaithlak ih tuah loin tuah awter ka si maw? Tuni ah ziangti’n so ziangkim tithei Pathian thawn ka pehzom saal thei ding?

 

@Pennington

(Visited 32 times, 1 visits today)

Comments

comments

Comments

%d bloggers like this: