A Sunglawimi Zumnak

February 16
Tlawngkai Nili

A Sunglawimi Zumnak

Jesuh Khrih ih dingnak ruangah hitluk a sunglawimi kan zumnak thawn bangrep in zumnak pek a si vemi nan hnenah hih ca hi ka ngan. Pathian le kan Bawipa Jesuh nan theihnak thawngin zaangfahnak le daihnak cu famkimzet in co hram uh.
– 2 Peter 1:1-2

Bible Siar Ding: 2 Peter 1:1-11

A caancaan ah thlarau thuthup kan thei thei lo ttheu, ziangahtile hih leitlun thil pawl in kan mit in hup ttheu ruangah. Asinan Pathian lam ih kan mit kan men ahcun a liamcia caan hnakin hmailam caan hrangah Pathian in a nasa sawnmi khuakhan lairelnak in neihsakmi kan hmu thei ding. Pathian in kan hrangih thil cang thei in ruahsakmi cu cang thei lo ding khi an bang ttheu dingih Amah lawngih thiltitheinak sungih kan thlen tikah ziangkim kan theihthiam lonak pawl cu a fiangter thluh ding.

Hih “a sunglawimi zumnak” thu Peter ih a nganmi hi Pathian in kan zate hnenah in pek duhmi a si, ih kan congah thlulh ih a uknak cotu, dingfelzet ih hnatuantu in siter ding. Harsatnak phunzakip sung ihsin nehtu kan si thei ding, cumi cu kanmah le kanmah kan rin-awknak ruangah si loin Pathian lawng rinsannak kan neihnak thawngin a si ding. Cumi cu zumnak thawn a khat, zohtthimtlak, le a phunciar dah lo, milai duhnak si loin vanlam huham sungih a um mi, Pathian ih ceencilh mi an si ding.

Bawipa Jesuh in kan thinlung cu “Bawipa in a ti” timi sungah in hruailut ringring ding. Kan nunnak ah “Bawipa in a ti,” timi hnakin thupi zianghman kan nei nawn lo ding. Pathian Thu cu ziangkim tahnak tahfung (standard) a si zia kan theihthiam a ttul.

Jesuh zumtu cu Pathian fa leilung nehtu an si (1 John 5:5). Ziangti’n? Jesuh ah na zumnak na tthum ih – A Hmin ih huham, A mizia, A nunnak, A dingfelnak – pawl zumnak thawngin na hrangah tuah an si zo. Amah na zum ih na ruahsannak A hnenih na ret ahcun Amah a thianhlim vekin na thianghlim ve, ziangahtile na rinnak a famkim ruangah. A famkimnak sungah pumhlum in colhhahdamnak na ngah ding.

Pathian cu A Thu ihsin ka thei. Ka thinlung phuurnak in a si lo. A Ttongkam (Bible) ka siarnak le zumnak ihsin lawng Pathian thei thei ka si. Vanram ka thleng tengteng ding ti ka thei, asinan cumi parah phuurnak ka nei ciamco lo. Vanram ka thleng ding, ziangahtile Pathian Thu in in sim ih cumi ka zumhnget ruangah. “Zumnak cu thuthang theihnak ihsin a ra ih thuthang cu Khrih kan phuannak ihsin a ra” (Rom 10:17).

Na ruahnak cu na thiltitheinak, asilole na dingfelnak an si, nangmah cu na zumnak hnakin na ttha sawn lo.

@ Smith Wigglesworth

(Visited 18 times, 1 visits today)

Comments

comments

One Comment

  1. kan thu rel mi pawl a tha ih mi tampi in kaa lawng in an nung men a si.Hih a tlun ih Id ah Pathian thu na sut duh le suh a theih.

Comments

%d bloggers like this: