A Sungih Tel Man

July 10 

Zarhte Ni 

A Sungih Tel Man  

Siar:

2 Korin 11:22-33

Cule thil dang thu rel loin kawhhran zawn ka ruahnak hrimhrim in nitin thilrit bangin i nen.   – 2 Korin 11:28 

Kumkhat Sung Baibal: 

–   Job 41-42

–   Tirhthlah 16:22-40 

Leitlun Raalpi Aveihnihnak (World War II) ih ciinken tlak thu zuknung (film) an zuklai ah, a zuktu Ken Burns le a hnattuanpi pawl in raalkap zuknung tampi an zoh taa. Peleliu ih do awknak cun an mang tiang hman a siater ttheu. Sacramento Bee thuthang ngantu Rick Kushman hnenah Burns in, “Hlan ih a rak cangmi mithla le an aw-khawk na ngai ding. Cuti’n nangmah le nangmah thinlung buainak sungah na thlak aw ding,” tiah a sim.           

Kutzung thiamnak lam in siseh, thlaraulam in siseh, midang ih cangvainak ah na tel a si ahcun tel man a um. Paul in, “Cule thil dang thu rel loin kawhhran zawn ka ruahnak hrimhrim in nitin thilrit bangin i nen. Mi pakhatkhat a ttawnttai asile kei khal ttawnttai in ka thei aw ve. Mi pakhatkhat sualnak sungih a tlu-bah asile thinharnak in ka khat,” (2 Korin 11:28-29) tiah a ti.         

Oswald Chambers in, “Pathian ih midang a duhdawtnak sungah kan tel ve a si ahcun, thlaraulam cangvaihnak sungah kan lut ih cumi sungah mangbangza in tlu lo te’n um theinak huham kan nei a si,” a ti.

Paul in Pathian ih cahnak cu kan ttonttaih caan ah kan nunnak ah a famkimbik a si a ti (2Korin 12:9). Jesuh in leitlun ah cangvai dingin a mankhungbikmi a nunnak a pek ih cuih a duhdawtnak cu midang hnenih kan hlawm sin thei ve tikah kan thlarau nun in cakter a si.   – David McCasland 

Derdai hmanla tu ni ah na rian thei,

Khrih thupek thlun in;

A laar lonak hmun le dodal awknak lakah,

Jesuh cahnak thawn na ding thei.   – Hess

Pathian kawhnak kan thlun ahcun, a ttulmi thazaang in pe ding.

 

 

(Visited 27 times, 1 visits today)

Comments

comments

Comments

%d bloggers like this: