A Sir Zawngin Donak

September 12

Zarhte Ni

 

A Sir Zawngin Donak

 

Siar:

Matthai 20:20-28

 

Asinain nannih lak ahcun cu bangtuk cu si hlah seh. Nanmah lakah pakhatkhat in midang hnakin thupit a duh ahcun midang pawl ih hnen-um a ttuan a ttul.  – Matthai 20:26

 

Kumkhat Sung Baibal:

–   Thufim 13-15

–   2Korin 5

 

Michigan Nurse magazine ih cahram pakhat cu, “Nurse pawl ih a baalmi thuthup fate” a si ih nurse hrekkhat pawl karlak ih a suakmi ttongkam le hoiher daan in ziang siar awk lonak thu pawl a si. Dinhmun bangrep pawl hiti vekin ttongkam ih namnuai awk hi relsiat awk, simkual ih ttong, a naihte ih do awknak, a thupte ih siatsuah awk, ttongkam ih mi hmuhsuam, mi bulpak zalennak le midang pawl ziang siar lo a si.

 

Himi hi nurse pawl karlak lawng ah si loin hnattuan tlangnak hmun dangdang khal ah a um ttheumi buainak a si. Hiti vekih namnuai awknak ahhin thiltitheinak bang awk lonak, tuahmawh duhnak tumtahnak le mitthihnak tivek pawl a tel.

 

Kawhhran sungah teh cuvek a um dah maw? Deacon upa, zung hnattuantu pawl, Bible zirtu pawl, mino pawl ih Pathian hnattuannak ah pehzom awknak pawl vun ruat ttha hnik aw. A tlunlam ih kan sim zomi ttongkam le nunzia pawl an parah a lang maw? Kan innsang cio ah teh cutivek a um maw?

 

A uknak sungah dinhmun ttha ngah dingin dungthluntu pawl an cuh awk tikah Jesuh in, “Nanmah lakah pakhatkhat in midang hnakih thupit a duh ahcun midang pawl ih hnen-um a ttuan a ttul” ti’n a kawk hngai (Matthai 20:26). Cuvek lungput thawn kan pehzom awk ahcun namnuai awknak a um lo ding.

 

Bawipa, sal lungput i neihter aw,

Ka ttongkam le ka tuahmi hmuahhmuah ah;

Midang ih ttulnak thupi sawn ah ret in,

Kan duhmi tuah dingah.

 

Midang hrangih riantu lawng hruaitu dingah tlinnak a nei.

(Visited 24 times, 1 visits today)

Comments

comments

Comments

%d bloggers like this: