A Sinak Thupi

December 17

Tlawngkai Nikhat

 

A Sinak Thupi

 

Bible Siar Ding: Matthai 16:13-20

 

Nang cu a nungmi Pathian ih Fapa Messiah na si.

  –  Matthai 16:16

 

Jesuh in last name a nei maw? Mi tampi in an ruahmi cu “Christ” hi a si. Sikhalsehla, Christ cu a sinak (title) a si. Hih ttongfang cu Hebru ttong Messiah timi kha Greek ttong in an lehlinmi ihsin ra suak a si. Hih ttongfang pahnih ih sim duhmi cu “Hriakhnih Mi (the Anointed One)” asilole “Tiamkam Mi (the Promised One)” tican a si.

Jesuh suah caan ah Israel mi pawl cu an Messiah ra thlen ding an ruahsan laitak caan a rak si. Thukam Hlun profet sim ciami ah Messiah cu Siangpahrang David cithlah sung ihsin a suak ding ti’n a um. Amah in Israel miphun cu a uk dingih a hmaisa ih sunlawinak le huham pawl kha a dinh saal ding. Jesuh sanlai ah mipi cun Messiah a ra thleng dingih a sualralzetmi Rom Acozah uknak cu a tthiatbal thluh ding ti’n an ruahsan.

Profet pawl in Pathian ih Messiah thu an sim rero ko na’n Israel mi pawl cun Amah cu an cohlang (recognize) lo. A veikhatnak a rat tikah sal vekin Israel miphun kha Bawipa hrangih tungding saal dingin a ra. Leitlun ih an raal pawl kut sung ihsin a rundam hlanah sualnak sung ihsin rundam hmaisa an ttul. Messiah cu Israel mipi tamsawn in an hnong, ziangahtile an hngakhlapmi Messiah sinak ah a tling lo ruangah! An duhmi Messiah cu huham (power) thawn mi nehtu ding khi a si, harsat tuartu sal a si lo.

Messiah cu an ruahsan vekin a si lo, asinan Amah cu ziangkim a si, an ttulmi le kan ttulmi ziangkim in tuahsak theitu a si.

 

Thianghlim Bawipa, Jesuh – ka hrangah Messiah le Christ

in pek ruangah ka lungawi.

Jesuh Khrih ka ruahsan daan in ka nitin nunnak ih

A hnatuannak ah ziang hnaihnoknak si a pek?

@Ava Pennington

Comments

comments

Comments

%d bloggers like this: