A Siat Olmi Nunnak

November 12

Tlawngkai Nili

 

A Siat Olmi Nunnak

 

Siar:

Job 1:13-22

 

Thi dingih thurel ciami kan si, tiin kan ruat aw. Sikhalsehla hi bangtuk ih thu a rak um cu kanmah le kanmah rinsan aw loin thihnak ihsin mi a thoter saaltu Pathian kan rinsannak dingah a rak si sawn.  ?2 Korin 1:9

 

Kumkhat Sung Baibal:

–   Jeremiah 51-52

–   Hebru 9

 

Yellow Stone National Park ih leilung cu zoh mawi ka tizet. Asinan leilung sungin a hung put reromi tisa lakih ka feh tikah ziangtluk ttihnungza hmun ah ka um ti ka thei. Leitlun ih a tumbik le rin lopi in a puakkuai theimi meisa tlang zim ah ka vak.

     

Job cabu ka siar tikah, Yellowstone meisa tlang parih ka vaklai ah leilung puakkuai ttheh in siatsuahnak tumpi a thlen ni vekin ka thinlung ah a um.

     

Yellowstone tlang parih khuacuantu pa vekin Job cu nuamzet in a um. Siatsuahnak thawn a nunnak hi hauhruang pakhat lawngin a tthen hngai timi a hmu baan lo (Job 1:9-10). Pathian in cuih hruang cu a bal ih Satan in hniksak dingin a sian tikah Job ih nunnak cu a puakkuai ttheh (cc. 13-19).

     

Zumtu tampi cu Pathian in a humhim hngainak hruang laak hlo sak vekin an um. A dang pawl khal tawkfang daihnak hmun ah an um ih a siat thei dinhmun ah kan um ti an hmu baan lo. Siatnak kan tuah lo asile kan tlun ah thil ttha lo a ra thleng lo ding ti phun in an um.

     

Job nunnak ih kan hmuh bangin Pathian in mi ttha tlun ah siatnak thlenter a siang. Khrih zumtu pawl siatsuah dingah zianghman in huham an nei lo (2Kor. 4:9). Ziangvek siatnak khal in Pathian ih duhdawtnak thawn in tthen thei lo.

 

                                             Thim sinsin, hraap sinsin lamzin,

Nitin raalrin ding tam hmanseh;

Thinsau te’n a duhdawtnak ah cawl in,

Amah in a theibik an ti ding.

 

Ziang hmuahhmuah a siat ttheh hmanah

Pathian ih duhdawtnak cu a taang ringring ding.

(Visited 27 times, 1 visits today)

Comments

comments

Comments

%d bloggers like this: