A Siami Tontehnak Kipah

 

 

May 8

Tlawngkai Ninga

 

A Siami Tontehnak Kipah

 

Siar:

2Siangpahrang 5:1-15

 

“Atu cun Israel ram ih Pathian siar lo leilung tlun khuitawk hmanah Pathian dang a um lo ti ka thei zo.”     -2 Siang. 5:15

 

Kumkhat Sung Baibal:

   2Siangpahrang 4-6

   Luka 24:36-53

 

A tharzetlaimi ka mawttaw cu truck car thawn ka thlengh tum tikah a tthalam in ka ruat thei lo na’n ruahsannak ka neihmi cu, “Thil ttha lo tonmi sungin a tthami hmuh saknak a um ttheu” timi a si.

        

Thil ttha tong ngah dingah sawmngiarnak a um thei men. Hmanseh tthat lonak sungah Pathian in tumtahnak ttha a neih ttheu zia Baibal in a langter.

           

An parih siatnak a thlengtertu Syria raalkap ih an kaihmi Israel nunau nu le pharnat tuar Syria raalbawi Naaman thu ah (2Siang. 5) nunau nu cu amah kaitu pawl parah thil sia thlenter duhnak thinlung nei ding mawi asinan bomnak petu a si riangri. Israel profet Elisha in Naaman a damter thei ding ti’n a sim. Dam duhtuk ruangah Naaman cu Israel ram ah a feh nain tangdor ih tuah dingmi Elisha ih fialmi tuah ding cu a tthuktthun. Netabik ahcun a tuah ih a dam tikah Israel ram ih Pathian siar lo Pathian dang a um lo a ti thei (c. 15).

           

Pathian in raal ih kaih timi le pharnat timi thil ttha lo pahnih hmangin Israel pawl ih raal cu an rualpi ah a canter. Ziangruangah thil ttha lo a cang ti kan thei lo nain thil ttha ah canter dingin Pathian cu huham a nei ti kan thei.

 

A tumtahnak cu a kim zamrang ding,

Nazi tinkim ah langfiang in;

Thil sia cu khaa fualfo hmanseh,

Pangpar tizu vekin a thlum ding.

 

Pathian in phurh-rit cu thluasuah ah a canter thei.

(Visited 35 times, 1 visits today)

Comments

comments

Comments

%d bloggers like this: