A si thei lomi

A Si Thei lomi Itokawa

Siar:

Matthai 19:16-26

Pathian hrang ahcun ziang hmuahhmuah a cang thei.

– Matthai 19:26

Kumkhat Sung Baibal:

Hosea 1-3

Thufim 20:1-10

Kum 2005 ah Japan in milai tel lomi rocket, ‘Hayabusa‘ an thlah ih ‘A si theilo’ timi Ni heeltu arsi a tlawng. Ni heeltu arsi Otokawa cu khurkua thukpi le vunnel a si.  Arsi thar an hmuhmi lakah Scientist pawl cun Otokawa cu a danglam deuh in an thei. Atu cu arsi dang theih ttul zetmi kan nei.

Kum 2000 reizo ahkhan mino Daan thiam pakhat in Jesuh hnenah a si thei lomi thu a sut; “Kumkhua nunnak co dingah ziang thil ttha so ka tuah ding?” tiah a sut (Matt. 19:16). An biak awk rero hnu ah tlangval pa cu riahsia in a kir (c. 22). Jesuh thawn pehtlaih ding hnakin thupit termi a nei, thilri pek ttheh ding a ttul ti a thei.
Hih mifel pa in Daancabu ih an nganmi cu a thlun theh nain a tling lo. “Cutin asile zo so rundamnak a ngah thei ding?” tiah a dungthluntu pawl in mangbang in an sut (c. 25). Jesuh in “Minung hrang ahcun a si thei lomi a si. Sikhalsehla Pathian hrang ahcun ziang hmuahhmuah a cang thei” a ti (c. 26).
Ziang hman lo ihsin lei le van a seemsuahtu Pathian cun a cang thei lomi khal cang ko a tuah thei. Hih leitlun kan nunnak in, in peek theimi kan tlansan ih Amah kan thlun tikah a cang thei lomi thil a tuah, kumkhua nunnak in peek.

Van ah arsi a ret cu mangbangza a si,

Leilung pi tlolak kawhawm(space) ih a ret cu mangbangza;

Asinan ka thlarau i ruun ih i thianhlimter tikah,

In duhdawtnak le zaangfahnak cu mangbangza taktak a si.

Kan tlaamtlin lonak in Pathian ih huham in thei hsuakter.

Comments

comments

Comments

%d bloggers like this: