"A Si Lo" "A Si" Ti Aw

November 17

Tlawngkai Nithum

“A Si Lo”  “A Si” Ti Aw

Siar:

2 Timote 2:20-22

Pathian faate le Satan faate an dan awknakbik cu himi hi a si: a dikmi a tuah lotu le a unau a duhdaw lotu cu Pathian faate an si lo. 1John 3:10

Kumkhat Sung Baibal:

–   Ezekiel 5-7

–   Hebru 12

Kan kut kan kholhfai tikah kanmah tein kan kholh maw? “A si.” Asinan “a si lo.” Sappia le tidai in a kholhfai, kanmah kan si lo. Asinan tidai le sappia hmang in kan kut kholhfai ding cu kanmah ih hrilmi a si.

Paul in, “Zokhal a ttha lomi hmuahhmuah a hrial ih thiangte in a um a si ahcun hnattuan sunglawi hrangah a Bawipa ih hman tlak a si,” (2 Tim. 2:21) a ti. Kanmahte sualnak ihsin thianter theinak huham kan nei tinak a si lo. Jesuh Khrih ih kholhfainak kan hmang tinak sawn a si.

Filipi 3:9 ah hiti’n in sim, “Amah thawn tlamtling ih kan pehzom awk theinak dingah ziangzongza cu hnawmhne men ah ka ruat. Keimah bul in dingnak ka nei nawn lo; Daan thlun tahrat ih ngahmi dingnak pawl khal ka nei nawn lo. Atu ih dingnak ka neihmi cu Khrih zumnak thawng ih pekmi Pathian hnen ihsin kan ngahmi dingnak a si.”

Khrih kan cosaang tikah a thihnak le thawhsaalnak in sual ih thuneihnak le cawhkuannak ihsin in luatter ih nitin kan nunnak ah conhlan dingmi le el dingmi in theihter. No lai taksa hiarnak cu kan el thei ding (2 Tim. 2:22) ih dingfelnak, zumnak, duhdawtnak, le daihnak cu kan cohlang thei ding.

Nitinte kan thianfai awk ruangah a tthami hnattuan hmuahhmuah ttuan thei dingah Bawipa ih hman tlak kan si ding (c. 21).  – Albert Lee

Bawipa, a dik le a tthami ruat thei dingah in bawm aw,

A thiang le upat tlak thil hmuahhmuah in an lo phuang;

Thangtthat tlakmi kan ruah tikah,

Kan nun sung Na hrangah nun kan duh. – Fitzhugh

Ruahnak dik cun nun daan dik ah mi a hruai.

Comments

comments

Comments

%d bloggers like this: