A sen Ih Nganmi

 

February 14

Zarhte Ni

 

A sen Ih Nganmi

 

Siar:

1John 4:7-19

 

Pathian in in duhdawtnak cu a Fapa neihsun hih leilung ah run thlah in a langter ih amah thawng in nunnak kan conak dingah a si.

–1Johan 4:9

 

Kumkhat Sung Baibal:

          Puithiam 15-16

          Matthai 27:1-26

 

Baibal kan neih hmaisabik cu cati dum thawn nganmi asinain ttongkam hrekkhat a sen rong ih nganmi cu Jesuh ih ttongkam an si ti ka thei.

 

Kan dung kum 100 hnak ih tamlai ah Louis Klopsch in cati sen thawn nammi Baibal a rak suah hmaisabik. Jesuh ih ttongmi “Hih hai cu nan hrangah ka thletmi ka thiisen thawn nemhngetmi Pathian thukam thar a si” timi a ruah tikah Jesuh ih ttongmi pawl cu ruahthuk dingah thiisen rong cati sen in a ngannak a si.

 

Baibal ttongkam pawl a man a khunnak cu kan dung kum 2000 lai ah Pathian in a Fapa rori in in run kuatmi duhdawtnak cakuat a si (1Jn 4:10).

 

Jesuh milai a rung can sannak cu kan hrangah thi ding le thawinak ah pek aw ding in a si. “A mankhung… soiselnak um lo raitluan tuufa bangtuk a si” (1Peter 1:19).

 

Pathian ih duhdawtnak laksawng a cohlangtu pawl cu amah thei lotu pawl hrangih “Cakuat” tiah kawh ding kan si. Kannih cu Khrih ih cakuat kan si.” Cati thawn nganmi si loin a nungmi Pathian ih Thiang Thlarau thawn nganmi kan si” (2 Kor. 3:3).

 

February thla sungih nikhat cu duhdawtnak ni tiah an khiah hlanpi ihsin leilung in duhdawtnak cakuat a ngah zo. Cumi cakuat in ziang hmuahhmuah a thlengh thluh (John 3:16).

 

Pathian ih duhdawtnak na thei duh ahcun,

A duhdawtmi Fapa Jesuh Khrih in a hnenah ra aw;

Na sualnak ngaidam in na thlarau kumkhua a ruun ding,

Kumkhua in rintlak Pathian cu na duhdaw ding.

 

Pathian ih duhdawtnak cu Jesuh Khrih ih thinglamtah hnakin fiangsawn ihsin theitu a um lo.

(Visited 22 times, 1 visits today)

Comments

comments

Comments

%d bloggers like this: