A Saangzetmi Thutheihternak

May 23

Nipi Ni

A Saangzetmi Thutheihternak

Siar:

1 Korin 2:6-16

Kan ngahmi thlarau cu leilung ih thlarau a si lo; Pathian ih Thlarau a si sawn. Pathian ih in pekmi laksawng hmuahhmuah kha kan theih theinak dingah Pathian Thlarau cu kan ngah zo a si.  – 1 Korin 2:12

Kumkhat Sung Baibal:

–   1 Sansiarnak 19-21

–   Johan 8:1-27

Pehtlaih awknak le thuhla theihter awknaklam ah kan leilungpi cu thiamnak a saang vingvo. Mi zapi ih duhmi thutheihter awknak thil pawl in Bible cu sanman lo Tlawnginn hlunzet pakhat vekah a canter. Aw le zuk mawi pawl a um lo ruangah pehtlaihnaklam theitu pawl cun thutheihter awknak dawnkhamtu ah an ruat. Hmanseh leitlun ih a tthabikmi thutheihter awknak thil hnakin Pathian Ttongkam sungah a saang sawnmi thilthiamnak huham a um.

“Na thusimmi cu ka ttulmi ciah a si,” ti’n mihrek in thuthangttha simtu pastor an ti ttheu. Thuthangttha simlai ah Pathian in an thinlung sungah a biak hngai. Bible na siarlai ah Pathian in lo biak vekin na theih dah ahcun hih thu hi na fiang thei sinsin ding. A Ttongkam theithiam dingin Pathian in A Thlarau Thianghlim in na thinlung mit a vangter.

Na ttulmi thu na ttul caan ah Pathian in a lo theihter. Tuih san ah thutheihter awknaklam thilri tuah thiamnak a saangzet nain Pathian Thu hnak ih huham nei sawn cu na tong dah lo ding.

Kan ngahmi thlarau cu leilung ih thlarau a si lo; Pathian ih thlahmi Thlarau a si sawn. Pathian ih in pekmi laksawng hmuahhmuah kha kan theih theinak dingah Pathian Thlarau cu kan ngah zo a si, (1Korin 2:12).   – Joe Stowell

Theihthiamnak i pe hram aw Bawipa,

Tuih ni Na Ttongkam ka theih vekin;

Cuti cun dik te’n ka theithiam ding,

Na Thutak le na lamzin. – Monroe

Bible cu a hlun thei men nain A Thutak cu a thar ringring.

(Visited 19 times, 1 visits today)

Comments

comments

Comments

%d bloggers like this: