A Saangtukmi tlaang

A Saangtukmi tlaang

By ; Rev Run Cung Mang

Siar:

Suahlannak 16:1-5

Thaisun hrangah donhar in um hlah uh, thaisun in donharnak amah tawkin a nei ve ding. – Matt. 6:34

Kumkhat Sung Baibal:

# Hebru 6-9

# Thufim 7:6-27

Ka nupi Sue thawn rollerblade thawn lek kan paihzet. Kan feh duhzetmi hmunso saupi kan zawh hmaisabik laiah ka nupi cu, “khih tlaang kai ngam ding na tiar aw maw?” tiah ka sut. Nehhnu ah, “Cuti in sut loin na um thei lo maw? Na suhmi in tlaang tumpi a bangter ih cumi in ka tha i nauter” tiah i let. Sue hrangah cuih hmunso cu, “Kal khat te asilole rollerblade lehnak te lawngah ruat in feh a ttha sawn, tiah a ruat.

Nunnak khal cuvek a si. Hmailam hlatuk kan zoh asile Everest tlangkai ding bang in kai theilo ding vek a bang. Baibal in tusun hrang lawng tuah dingah in sim.
Thaisun ttuanvo hrangah donhar ding a um lo (Matt. 6:34). Moses ih thuruah daan kha ruat hnik aw, “Milai hi hmuah hi ziangtik tiang ka cawm ding? Ziangtinso rawl cuzat ka ngah thei ding?” Cumi ruahnak tlangpi cu Pathian in Manna thawn ttuanvo a laak. Asinan veikhat ah nikhat hrangih a ttulmi zat thawn lawng a peek (Suah. 16:14).
Veikhat kai ih kai kan tum a si ahcun, kan nunnak tlaang hmuahhmuah cu a saangtuk. Hmanseh, Pathian bomnak thawn veikhat ah kal khat in hmailam ah kan feh ahcun, ziangvek tlaang khal kai thei lomi a um lo.

A thinneem zia tah baan a si lo,

Tthabik ih na ruahmi nitin pe aw;

Natnak, nomnak le lungawinak thawn,

Baangzet ih hnattuan daihnak le colhnak, cokrawimi tla.

Pathian cu, thazaang in pe dingin a um ringring,

Tlaang hmuahhmuah kan kai theinak ding hrangah.

Comments

comments

Comments

%d bloggers like this: