A Rang Thei Tawp In

June 2

Tlawngkai Nithum

A Rang Thei TawpIn

Siar:

2 Siang.19:9-19

Curuangah Bawipa kan Pathian, leilung pumpi in maw Bawipa, Nangmah pakhat lawnglawng Pathian taktak na si kha an lo theih theinak dingah Assiria mi pawl ih kut sungin in ruun suak hram aw.

– 2 Siang. 19:19

Kumkhat Sung Baibal:

2 Sansiar. 17-18

–   John 13:1-20

Mirang ttong hmangtu tambik in ASAP timi cafang hi “A rang thei tawp in, atu” (As Soon As Possible) timi ttongfang can-ai ah an hmang. Khristian pawl cun, “Thlacam ringring aw” ti-mi ttongfang can-ai ah kan hmang thei (Always Say A Prayer).

Hezekiah hi Judah siangpahrang pawl lakah siangpahrang ttha pakhat a si.  Siangpahrang sia tiah a hmin a thangmi a pa Ahaz siangpahrang hnu ih ram a uk tikah Pathian biaknak thapek saaltu a si (2 Siang. 18:3-4). Sihmansehla Assiria siangpahrang in a ra do tikah siangpahrang inn le biakinn sungih ngun tangka hmuahhmuah le biakinn sangka tthuam pawl khutmi sui cu amah rori in a laak ih raaldaihnak hrangah a hei kuat (cc.13-16).

Cuih sui le ngun in Assiria siangpahrang ih thin di a riamter thei cuang lo ih raalkap a run thlah thotho tik lawngah Hezekiah cu Pathian hnenah thla a cam. “Leilung pumpi in maw Bawipa, Nangmah pakhat lawnglawng Pathian taktak na si kha an lo theih theinak dingah Assiria mi pawl ih kut sungin in ruun suak hram aw” (2 Siang. 19:15-19). Cutikah Pathian in a luatter (cc.35-37).

Hnattuan ihsin suah, asilole dam lonak tivek harsatnak le buainak tongin bawmtu nei lo vekin na tha a nau thei men. Bawm theitu Pathian cak kan nei. Zianghman na tuah hlanah thlacam aw, ASAP.   –C. P. Hia

Thla kan cam tikah thil pakhatkhat a cang,

Siatnak ih huham a hlo;

Kan thazaang a tlung saal ih ttihphannak a hlo,

Curuangah thlacam ringring uhsi! – Anon.

Thlacamnak hi thil kan tisuak thei nawn lo hnu

netabik ih kan tuahmi si loin

a hmaisabik ih kan tuah dingmi a si sawn.

(Visited 27 times, 1 visits today)

Comments

comments

Comments

%d bloggers like this: