A Puarthaumi Thutheihnak

November 1

Tlawngkai Nili

 

A Puarthaumi Thutheinak

                                                           

Bible Siar Ding: 1 Korin. 8:1-13

 

Milem hnenih pekmi tirawl thuhla ca in kuatmi ah zokhal in, “Kan thei ciar a si” an ti ttheu bangin kan thei fingfing ngai a si. Sikhalsehla cubangtuk theihnak cun mi a puarthauter ih duhdawtnak cun mi a tungding a si.

– 1 Korin. 8:1

 Thil thiamzetmi (expert) na theih dah mi an um maw? Nangmah tla na pumcawmnak hnattuan ah mi thiamzet asilole na paih zawngah thiam theizet na si ve men thei.

Kawhhran hmaisa (the early church) sanlai ah zumtu pawl lakah rannung/ttilva thawn milem/pathian lem (idol) hnenah raithawinak peklam ih thiam theizet pawl an tel ve. Annih in zuk/milem pawl cu pathian ngaingai an si lo ti cu an thei fiangzet ko. Culawng si loin hih milem pawl hnenih raithawinak hrangah paisa tampi cem in an sumsaw khawlmi (fund) sungin lei rero tla a manhla lotuk timi tla an thei ko.

Sihmansehla, kawhhran hmaisa sanlai ih zumtu zate cun cumi cu an thei thluh lo. Christian hrekkhat pawl cu Gentile mi nun thlengh aw piangthar pekte tla an si ih ahlan ih an rirai biaknak (pagan worship) an vun ciinken le an vun man saalnak in a hnaihnok. An hrang ahcun raithawinak ih pekmi sa cu ei thiang lo hrimhrim in an pom.

Thuthei deuh Christian pawl hrangah hril ding an nei. Christian unau pawl ih cem le liammi parah an nuam aw thei asilole an zumtupi Christian pawl ih tuahmi ah an ralring thei. Tirhthlah Paul in a puarthaumi thutheihnak neitu pawl lawngin cuvek theihnak hleice hmangin a ttawnttaimi an unau pawl harsatnak an pe ti’n ralrinnak a pe.

Kannih hi Pathian Thu theizet tla kan si men thei, asinan cumi thutak theihnak parah uar aw le puarthau tahrat in midang pawl namneh le nekrawk ding kan si hrimhrim lo. Cumi hnak sawn in kan Pathian Thu theihmi in Khrih ih kan unau pawl somdawlnak le khaisannak ah hmang ding kan si sawn.

Ziangkim theitu (omniscient) Pathian, Na Thu theihnak ih ka tthansonak parah a porh awmi le a puarthaumi si lo dingin in bawm hram aw.

Tuni ahhin Pathian Thuthuk tampi ka theihmi hi midang thazaang peknak ah ziangti’n ka hmang fuh thei pei?

 

@Pennington

(Visited 26 times, 1 visits today)

Comments

comments

Comments

%d bloggers like this: