A popmi belh

A Popmi Belh

Siar:

Tirhthlah 5:1-11

Ziangah so hi bangtuk tuah ding hi na thinlung hrimhrim in na ruah?

Milai na bum a si lo. Pathian na bum a si. – Tirhthlah 5:4

Kumkhat Sung Baibal:

Ezekiel 46-48

Thufim 17:1-14

Kum 2002, TV program survivor lehnak Africa ih a netabik an tuah hnu ah a lektu thu an sut. Jeff Probst in a sim daan ah, “Nehnak a ngahtu cu daan pahbal phah in a ngah” a ti. Champion ngahtu ih a sim fiangnak ah, “Dikzet le felzet ih ngah ka duh” a ti. Nehtu si duh ah dik lo le mibum phah a ttul lo. Na zuam dingih dikzet le mawizet in na lek ding a si sawn. Atak le alem um ding a si lo.

Tirhthlah cabu sungah Ananias le Saphira te nupa ih thuhla kan siar tikah midang theihter an duh daan le an sinak ngaingai a dang aw (Tirh. 5:1-11). Satan in mibum duhnak thinlung a neihter hngai. An Loram zuar man paisa hrekkhat dungthluntu pawl hnenah an rak keng ih a zate pek ttheh vekin an sim aw. Mi in, ‘Mi siangzet an si’ tiih an theih ding an duh. Asinan an si ngaingai fawn lo.

Cumi thinlung in Thlarau Thianghlim le zumtu um khawm mi tla bum ding a duh. Cumi ruangih tuksumza a man an pekmi cu thihnak a si. Hih thu hin raalrinnak in pek.

Kan nunak ah ziang thu dik lo kan tuah dah? Kan phuan ih ngaithiam kan dil a ttul. A bangrep lomi na ttongmi le na tuahnak bangrepter aw.

Bawipa, Na thlarau in in siang hram aw,

Diknak thawn nung thei dingah;

Kan ttong tikah kan simmi,

Zo hman in an rin-hlelh lonak dingah.

Dingfelnak timi cu a covo zoh a ttul lo.

Comments

comments

Comments

%d bloggers like this: