A Poimi Mit-thli

October 9

Tlawngkai Ninga

 

A  Poimi  Mit-thli

 

Siar:

Johan 11:32-44

 

Jesuh in Mary le a topitu mipi pawl tla an ttah kha a hmuh tikah,

a thin a naa ih a lung a hno.      -Johan 11:33

 

Kumkhat Sung Baibal:

–   Isaiah 32-33

–   Kolosa 1

 

Ka rualpi nu cu a nuncan khawsak daan a thlengh tum ih kum 50 sung a hnattuannak cu a suahsan. “Damtein” a titaa zawngah a ttap. Mitthli a tlak ttheumi hi a poi a ti ttheu.

       

Ziangruangah mit-thli tla in ngaithiam dil kan duh ttheu? Mit-thli kan hman daan cu ttonttainak asilole a siat olmi kan sinak kan duh lozetmi a si. Mit-thli cun kanmah le midang a nuam loter.

      

Phuurnak kan neihmi hi Pathian ih in pekmi Pathian bangnak pakhat a si ve (Seem. 1:27). Pathian in riahsiat a nei ve: Seem. 6:6-7 sungah Pathian cu milai pawl ih sualnak ruangah a riah a sia ih a sir aw, ti kan hmu. Sualnak in milai cu Pathian thawn a tthen awkter. Jesuh, Pathian cu tisa mi vekin a rualpi Mary le Martha hnenih a thlen tikah an ttapa Lazarus a thih ruangah a riah a sia ve (John 11:28-44). A thin a naa ih a lung a hno (c. 33). Jesuh a ttap (c.35). Jesuh cu ninghang in thlaan ah a feh (c. 38). A leem hngai ding ka zum.

          

Nikhat ni ah vancungram kan thlen tik ahcun riahsiatnak, tthen awknak ruangih thinharnak pawl an um nawn lo dingih Pathian in kan mit-thli hmuahhmuah a hnulfai ttheh ding (Thuphuan 21:4). Caan rei lote sung cu mit-thli a tlak ko ding. Asinan leem kan ttul lo ding.

 

Ka phurrit le thinglamtah phurmi a thei,

Kan tuarmi le hlohmi pawl, kan thin naatertu pawl;

Thinlung kekkuai mi pawl a hneem,

Pathian in mit-thli tlak mi hmuah in a hnul sak.

 

Jesuh ih kilkhawinak na rinhlelh asile a mit-thli mang saal aw.

(Visited 25 times, 1 visits today)

Comments

comments

Comments

%d bloggers like this: