A Nu neh lawn Hleitawl a vuak

By- Hniangsinpa

Kan khuahlan pupa ttongah, “A nu neh lawn Hleitawl a vuak” timi a um ih, a sullam a ra suahdan tlangpi khal hitin a si. Mipa pakhat cu a Nu in a thihsan ih, a Pa in nupi dang a nei, fanu pakhat an neiih, Hleitawl tiah a hmin an sak.

Fanu an neih hnu rei loah a Pa cu a thi lala. Cutin a Nu-ei cun a hrem in a kawk ringring, Caw an vulhih, cui Nu-ei tuar pate cun, nupi a neih zawngah, “Ka Nu caw hi kan mopuai hrangah kan hmang dng aw” a ti, a nu cun a siang lo ih, a thinheng tuk cun a nui um lo sungah a farnu Hleitawl cu a rak vuak.

Kan nih Laimi khal, a parih ttongkam vek khi kan tam zetin ka hmu, mai ramsung ih um lai ahcun ziang hmanlo men si fawn si, ramleng suah veten Groupmail ah simaw duhduh ngan, man can le phur can ih ngan. Ramhrang tuan hnai silo ih, a tuantu pawl duhtawk ih kap le rel.

Mah zianghman si fawn si lo, ram leng ihsin ramhrang tuan tum. Ramsungih um lai ahcun, kohhran le pawl zianghman ih hman si fawn si lo, ramleng thlenah, “Kan ram hrang” ti zuatzo siih, tuan le tuahmi hmuh ding um fawn si lo.

Ram duhdawt taktak tucun a ram a suahsan maimai lo, ramsungin a theihtawk a tuan ih, a neih sum saw khal a ui lo. Thiamfimnak ram leng ih a zir suah mi cu, ram hrang tiin, ramsungah an pu lut ih, cumi hmangin mipi ziang thei lo pawl an zirh in an forh sawn theu.

Kawlram hotu lu pawl hmaiih zianghman rel le tuah ngam ngai si lo in, kan Laimi ramhrang tauntu pawl sawn riangri mawhthluktu khal kan bo lo. Ramhrang tiih, pawl dangdang dawr kual si,  ram hrangih hman suah ngaingai tumlo khal kan tam.

Neih sumsaw le fimthiamnak kan neh mi hmangih ramhrang thungai thlak ih kan tuan lo ahcun, mi hnihsan le ram thang thei lo kan si mai ding.

Comments

comments

Comments

%d bloggers like this: