Cawimawinak Sangbik Suu Kyi In Langah Ta

US dantuahtu pawl le hotu pawl cun kan ram hotu dokalhtu party pawl ih hotu Aung San Suu Kyi cu mipi cawimawinak lakih sangbik cawimawinak cu Capitol Rotunda ah an pe. Suu Kyi khal cun hi nihi ka nunnak ih nuam ka timi sunglawibik ni pakhat a si tiin a ti.

Kum 2008 ih Congressional Gold Medal hi kum 15 sung inn sang thawngih khuahkhirh mi Suu Kyi hnen ah hlan a sinan khuahkhirhnak ruangah a kum ah la thei lo in a um. Hi lawmman hi US hotu pawl ih milu lungvar ih an tuahmi pawl an retnak hmun ropibik tiih an tinak hmun ah peknak an nei.

Suu Kyi in cawimawinak a ngah lawng silo in Obama thawn khalin thureltlangnak an nei. Hi an cawimawinak lawmman hi leitlun hruaitu mi ropi George Washington, Tibetan Buddhist hruaitu  Dalai Lama le Pope John Paul II pawl hnen khalih an hlan mi a si.

US Secretary of State Hillary Clinton le US hotu rak tuandah ih nupi Pi Laura Bush khal cawimawinak an peknak ah an tel pi ve.

ASSOCIATED PRESS, AGENCIES

(Visited 99 times, 1 visits today)

Comments

comments

Comments

%d bloggers like this: