A Netkhawt ah

A Netkhawt ah

Khuanui’ siamthil zate’n a kopkim hlir khingbai lote’n
Nungca bokvak, tlunzuang ihsin electric tha tiangin.

Siamtu’n hrelh a nei hmang tiah lungphang aw len
T.hianrualza  lakphakdawr ih kan titi cangah khin
Pa Luai hi, Pa Luai ..! Kan rual Van Biak Luai hi,
Jesui’ t.um tiang maw hiti’ a um ngiauhngi ding i?

Blanket zuun ziat meng saw mahtei’ a sirh t.et thlang!
Thildang hmuah aiih a t.ih bikmi khawsik zan thlatang,
Tahan le Tingo Va hlehka na’n sorsia bang a tawivak;
Zutmet saktu nei lo a biangvun kumhlun cu an caak,
Youth Centre ih Parol zanriak, Van Biak Luai kha
A tlangval lai ta ti ding thil hi a tam awm ha!!

Area khawmpi, LBA le World Cup voiziat meng
Kum Thar tinte’n hngirt.eu in a ring a peng!!
A hrangih kan phuahmi zaihla mawite

“ Kum A liamin a tar sinsin e!”

Miin “Zoi pu saw?” ti in suh kan phan thei dan hi !!
Zoi’ pu khal si hlah, Amahtei’ Tar ti a t.ul zik si.

Mi cu tahfung khungkhai neih ruangah an Val-u si kel
Kan rual cu e – tahfung si lo’n, a ruangrai le a hmuihmel;
Mawite, Mawite,” a kaa le “Mawite” hul loin a sal camci,
Biak Cin le Kim Khai ih vok sumnga tiam mi
A net a khawt ahcun molom ti ni tla a um si
Jesui’ t.um kan khelh hi kan thaw a suak vuarvi.
Kawlram uknak rori vun thlengaw thei tete!
Pa Luai rori “Ka innteknu” ti ding vun nei ve!!!

Kianghrol ih a lo dawt dan ding hman, ti kiauko’n
Papu Luai a cil dolh t.iakt.o seh, Mang No Zik thawn,
Nam-nam cak-cak tiah na dawtsorh lo’n;
Khatin rak vak hrih hai seuh, siimzan ah leikhu hawpin
Tingo Va ral le lakphak dawrah, bike hlo mengmengin!!

Lungsung takte’n kan lo lompi na t.hianrual hin
Tuizan cu in hngilh lawk khalle kan vuivai lo ti’n;

Zingnu’n hruai hram seh innsungsang thar hi,
Ril ih rah fanau, amah tia si lo, Mawite tiatia,
Nimcuam, sumsaw, t.ilva le lungawinak zingni
Siarin, fekter sin uh nan duhnak tiamthu-bia.

Klirlungz aiawh in,

JC Kip Ling
17. 2. 2012
(World Record ih telh ding Ni)

(Visited 45 times, 1 visits today)

Comments

comments

Comments

%d bloggers like this: