A Netabik Cibaibuknak

July 18

Nipi Ni 

A Netabik Cibaibuknak 

Siar:

2 Timote 4:6-22 

Kei cu raithawinak ih hlan ding ka si caan a kim thlang. Hih leilung nunnak hi ka tlansan caan a cu zo.     – 2 Timote 4:6 

Kumkhat Sung Baibal:

–   Saam 20:22

–    Tirhthlah 21:1-17 

Kum 47 a si mi Randy Pausch cu a khensa (cancer) naknat netabik dinhmun a thleng zo ti an hmuh tikah Carnegie Millon University ih a hnattuanpi, a tlawngta le a rualpi pawl hnenah netabik thusimnak nei dingin a tlung. A thusim ngai dingin mi 400 lai an ra ih nazi pakhat sung hnihsuahsainak, thihnak thuthuk theihthiamnak le thihnak hi riahsiatnak a si lo, timi cibaibuknak thu pawl a thinlungtak in a sim. Zarh rei lote ah a thusimmi cu internet ihsin minung tampi in an hmu ih nehhnu ah zuar tambikmi ca-uk pakhat ih hrampi ah a hung cang. Mithi ding pawl in nunnak ih a thupimi fiangte’n an hmu.      

Paul ih netabik cibaibuknak ttongkam in kum reipi tiang Khrih dungthluntu pawl ih tha a thoter. “Kei cu raithawinak ih hlan ding ka si caan a kim thlang. Hih leilung nunnak hi ka tlansan caan a cu zo. Tlan zuamnak ah ka ti thei patawp in ka tlan zo ih ka zumnak khal thlauthla lo tein ka pom hnget zo” a ti (2Tim. 4:6-7). A cakuat thoknak le cemnak ah Pathian ih hmuifu dilnak in a ngan (2Tim.1:2; 4:22) ih a karlak cu a cem thei lomi Pathian ih dingfelnak thu pawl a ngan.

Mi thizik pawl ih simmi thu in a nungmi hrangah nunsannak thazaang a pek. Paul in, “Amah hnenah sunlawinak cu a kumkhua in um caamcin seh,” a timi cu zumtu kan zate ih kan nuncih thei dingmi nehnak a si.    -David McCasland 

Kumkhua daih hrangah kan nung maw?

A ziam cing ding hrangah so?

Leitlun sunlawinak co dingah kan nung maw?

Ni khat ni ah Khrih ih “Na ti ttha” ti dingah so?   -Sper 

Thi dingah kan raalring asile, nung dingah kan raalring tinak a si.

 

Comments

comments

Comments

%d bloggers like this: