A Nasazetmi Mangbangza

December 16

Tlawngkai Nili

A Nasazetmi Mangbangza

Siar:

Isaiah 6:1-8

Cuih meiling cun ka hmur a run dai ih, “Zoh hnik, na hmur a dai zo; atu ihsin na mawhnak a hlo ttheh ih na sualnak cu ngaidam  a si zo,” tiah a ti.     – Isaiah 6:7

Kumkhat Sung Baibal:

–   Amos 4-6

–   Thuphuan 7

Mirang evangelist Leonard Ravenhill (1907-1994) in, “Tuih sun ah Pathian ih mangbangza thil tumbik a tuah theimi cu: a thiang lomi leilung ihsin a thiang lomi mi pakhat a laak ih mi thianghlim ih a tuah hnu ah a thiang lomi leilung ah a ret saal ih thianghlim dingin a kilkhawi,” a ti. Pathian in a minung pawl hnenah thu sim dingin Isaiah a kawh tikah hi tivekin a tuah a bang.

Uzziah siangpahrang a thih caan kiangkap ah Isaiah in Pathian ih laarnak a hmu. Lei le van ih Siangpahrang diktak cu a saangzetmi siangpahrang tokham parah to in a hmu. Serafim vancungmi in an biak ih a thianhlimnak, mangbangza a sinak, le a sunlawinak hla in an thangtthat.

Isaiah in cuih laarnak a hmuh tikah, “Ka cem a si! Ka ruahsan ding zianghman a um nawn lo,” (6:5) a ti. Misual a sizia theih awknak in Pathian ih thianternak  cohlang dingin a hruai. Thianter a si vete in thuthangttha sim fial a si cih (c.9). Isaiah cu nun thlianghlim ih nung ding le a thianghlim lomi pawl hnenah a thianghlimmi Pathian ih Thu sim dingin thlah a si.

Pathian in Amah in hmuter a duhnak san cu kan si vekin dikzet in kan hmuh awk ih A zaangfahnak kan ttul zia thei thuk sinsin in, A hrangah nung sinsin ding le A Thuthangttha phuang dingah a si.   – Marvin Williams

Ka nunnak ihsin Na zaangfahnak luangter aw,

Mi in duhnungza Na hmuihmel an hawl tiangin;

Aw, ka sungah zianghman hmu hlah hngai seh,

Na hnen ihsin thlarau pakhat lampialnak suahtertu!  – Roberts

Pathian ih zaangfahnak cu sual khawthim sungah a tleu hleicebik.

Comments

comments

Comments

%d bloggers like this: