A Nasasawnmi Khuakhannak

September 19

Zarhte Ni

 

A Nasasawnmi Khuakhannak

 

Siar:

Luka 5:1-11

 

Cuvek thotho in amah thawn nga a kaitu Zebedi ih fapa Jeim le Johan khal an mang a bang ve. Jesuh in Simon cu, “Na thinphaang hlah, atu thokin minung kaitu na si ding,” tiah a ti.  – Luka 5:10

 

Kumkhat Sung Baibal:

–   Thusimtu 1-3

–   2Korin 11:16-33

 

Kan dung naite ah kan innsungsang in Pennsylvenia ih Erie ah kan sungkhat unau innsang pakhat kan va tlawng. Cutawk ih mipi tileuhnak tili dawlmi ah tileuhnak caan ttha kan ngah. Asinan kan sungkhat unau pa cun tikap ih vunnel, tisuar le nitlak mawi zoh nuam pawl thawn nuam aw dingin Erie tili ah fehpi in duh. Ka faate pawl cun tili ih tileuh an duh sawn na’n kei in a nuam sawnmi Presque Isle tikap ah thlenpi hngai ding ka zuam.

 

Jesuh in Simon Peter kha nga kaih hnattuan hnakin a nasasawnmi minung kaitu siter a duh (Luke 5:10). Jesuh in Peter kha ti thuknaklam ah a sur vorh tahrat in nga kaih a fial (c.4). Peter in, “Bawipa, zaan varte kan vorh nain kan kai lo, asinan vorh uh, in ti ahcun kan vorh a si pei cu!” tiah a ti (c.5). Mangbangza in nga tampi an kai ngah. Cuih thilcangmi in Peter cu tangdornak thinlung a neihter ih minung kaitu ah ka lo tuah ding a titu Bawipai’ hmai ah a kuun ih a neihmi hmuahhmuah taanta in Jesuh dung a thlun.

 

Kan hrangah Pathian ih a maksaksawnmi tumtahmi cu kan hnattuan taansan ding ti sibik loin kan dinhmun tawk cio in Pathian uknak sungah midang pawl run hruailut dingin kan tikcu caan, kan thazaang cahnak le thiltitheinak pawl kha A hnattuannak hrangih hman khi a si sawn.

 

           

Na nunnak ah Pathian in tumtah le khuakhanmi a nei,

Na sual phurrit a lo thlah sak ni ihsin;

Atu cu Bawipai’ palai na si zo bangin,

Feh awla a famkimmi a thlangam daihnak midang va sim hngai aw.

 

Na tonmi mi pakhatkhat in Khrih tong ding a ttul thei men.

(Visited 33 times, 1 visits today)

Comments

comments

Comments

%d bloggers like this: