A Mawizetmi Hla Aw

June 15

Tlawngkai Nihnih

A Mawizetmi Hla Aw

Siar:

1 Peter 2:9-12

Khuathim sung ihsin khuaruahharza tleunak sungih a lo kotu Pathian in mangbangza thil a tuahmi pawl tlang-aupi dingih hrilmi nan si.

– 1Peter 2:9

Kumkhat Sung Baibal:

–   Nehemiah 1-3

–   Tirhthlah 2:1-21

Kum 2009 tthaal tir ih Britain’s Got Talent timi hlasak zuam awknak ah Susan Boyle a tel ve. A zuam awtu dang pawl thawn tahtthim tikah mi mawi cu a si lo. Zohman ih zoh saang lo mi asinan mihiip thei, aw mawizet thawn hla a sak ngaingai tikah mipi cu aipuangzet in an ding ttheh. Si ding bang lozet mi hnen in cu tluk mi thinlung hiip theimi hla-aw mawizet an theih tikah mi hmuahhmuah an mang a bang ttheh.

Kannih khal Jesuh Khrih ih mawinak kan sungin a ra luangliam tikah si ding bang lozet mi kan si ve thei men. Asinan cumi cu Pathian ih tumtahmi a si. Mi menmen a simi nang le kei ih nunnak ihsin Pathian thutak zum thei lotu kan rualpi, kan innsangmi le kan kiangkap pawl in Jesuh Khrih ih duhdawtnak le zaangfahnak an hmu in an theithiam thei ding.

Peter ih in ciingmang termi hi ka lung a kimzet. “Khawthim sung ihsin khuaruahharza tleunak sungih a lo kotu Pathian in mangbangza thil a tuahmi pawl tlang-aupi dingih hrilmi nan si,” (1Peter 2:9) a ti. Si ding bang lozet mi ah na ruat aw men ding na’n na sung ihsin luangliam dingin Bawipa hmun na pek ahcun a lo zohtu leilungpi cu a mangbang in a ding rori ding.  –Joe Stowell

Jesuh ih mawinak cu ka sungah mi in hmu hngai seh,

Mangbangza a duhdawtnak zate le a thianhlimnak!

Maw, Thlarau Thianghlim Pathian, ka sualnak thianter aw,

Jesuh ih mawinak ka sungah mi in an hmuh tiang.    –Orsborn

Jesuh Khrih ih mawinak cu

si ding bang lozet mi sungin ra lang hram seh!

(Visited 19 times, 1 visits today)

Comments

comments

Comments

%d bloggers like this: