A Mawimi Ke pawl

December 31

Tlawngkai Nikhat

 

A Mawimi Ke pawl

 

Bible Siar Ding: Rom 10:13-17

 

“Thuthangtha simtu pawl ih ke cu ziangtluk in so a mawi.”

–         Rom 10:15

 

Ke pawl (feet) thu kan ruah tikah an mawinak thu hi kan ruat tel dahtuk lo ttheu. A rim a nam, a baal, leivut a kai tivek pawl lawng kan sim ttheu ih asinan a mawinak cu kan thupit dah lemlo.

Curuangah, ziangruangah saw Ca Thianghlim in ahleice ih thuthangtha simtu pawl ih ke cu a va mawi so a ti kherkhernak?

Thawngtla (prisoner) pakhat thawnginn sung khawthimzet ciarbeek lakih an retmi pa ih thu na mitthlam ah cuangter hnik! Amah cu an thawi, an vuak, an vel ih rilrawng le cor ko in an tisia. Innkhaan kelkawm te ah a kual hnelhni ih thinharzet in a um. Hmakhatte ah rin lopi in a khaan sangka cu on sak a si ih “na luat zo a si” timi aw a thei. A lu cu a hun tung ttentto ih a hmuh theimi umsun cu na luat zo a si tiih a ra simtu pai’ kedan lawng a si. Thawngtla pa in cuih kedan parah leivut maw, ciarbeek maw ziang a um ti a thupiter lo. A hrangah cuih kedam cu a mawituk lawmmam.

Tuni ah zumtu pawl teh kan ke ziangtluk in so a mawi ve? Rundamnak thuthangtha cu thinlung rethei le mangbang vansang mi, theih a duhzettu pawl hnenah kan thlenpi in kan phuang maw? Pathian ih in kawh duhnak san thei le A thuthlun in thuthangtha midang hnenih kan hlawm ve asile kan ke cu leilung tlun ih ke hmuahhmuah hnakin a mawi sawn ding a si.

 

Vancung ih um ka Pa, ka ke hi mawiter hram aw. Tuni ah thuthangtha sim ding a thupitertu si ve dingin in bawm hram aw.

Ka kiangnai ih a ummi rundamnak co hrih lotu mi tampi hnenah thuthangtha sim le hlawm dingin caan ttha hmangfuh dingah ziangti’n so ka timtuah awk pei?

 

@Ava Pennington

Comments

comments

Comments

%d bloggers like this: