A Manhlami Hnatuan

 

 

June 12  

Tlawngkai Ninga

 

 

 

Siar:

Saam 119:161-168

 

“Na thukam ruangah ziang tlukin so ka lung a awi; thilri mankhung sartu bangin.”  

– Saam 119:162

 

Kumkhat Sung Baibal:

–   Ezra 3-5

–   Johan 20

 

Africa ram Nitlaknaklam ih um “Mali ram” ih Fulani miphun pawl hrangah Maasina ttong in Thukam Thar Bible caleh bomnak ah Scott le Mary Crickmore cun pumpe in an nunnak tikcu caan kum 15 sung an hmang.

                              

A hmaisabik an leh suakmi ca pawl cu Mary in an umnak kiangkap ih khua pawl ah feh in mipi pawl hnenah a siar sak hngai. Thlaam sungah nunau le mipa bur tthen tete pawl thawn to tlang in an leh sakmi ca an theihthiam maw theithiam lo ti anmah ngai daan ih an rel khawmmi a ngai hngai ttheu. Cumi in Bible ca lehnak ah ttongfang dik le fiang hmang thei dingin a bawmzet.

 

Mi hrekkhat in Crickmore teih nupa ih pumpek awknak cu a hleifuantuk tiah an ruat thei men. Nunuam teih nuntu khuasaknak taanta in an ei inmi ti le rawl tla an thlengh thluh ih kum 15 sung rori niamzet in harsatnak hmun ah an um. Asinan an nupa cun “A manhlatuk” an ti. Ziangahtile atu ahcun Fulani mi pawl in Pathian Ttongkam (Bible) ca anmai’ siar theimi ttongin an nei zo.

 

Saam ca ngantu cu Pathian Ttongkam parah a lung a awi, a ttihzah, a thin a  nuam, a duh ih a thlun (Saam 119:161-168) . Pathian Ttongkam parah hnangam daihnak le ruahsannak nung a tong ngah.

 

Fulani miphun pawl in Pathian Ttongkam hlawnthil mankhung an sar zo (c. 162). Bible ca midang  hnenah thleng thei dingin zuamnak le  pumpeknak cu “A manhla a si” timi hi na lung a kim thei ve maw?

 

Bible in ruahsannak le daihnak a keng,

Leitlun thil ih tah theinak khatlam ah;

Curuangah hih thil mankhung cu midang kan hlawm ve ding,

Hih hlawnthil a nei ve lotu pawl hnenah!

 

Pathian kan duhdawtnak tahfung pakhat cu

midang hnenih A Ttongkam kan hlawm duhnak hi a si.

(Visited 16 times, 1 visits today)

Comments

comments

Comments

%d bloggers like this: