A Man Pek Thluh A Si Zo

May 26
Zarhte Ni

A Man Pek Thluh A Si Zo

Mi Fapa cu a hlomi hawl ding le ruun dingah a ra.
– Luka 19:10

Bible Siar Ding: Marka 2:1-12

Duhdawtmi rualpi pawl, ka lo sim, Khrih thiisen thlet a si ni ihsin thok, misual ai-awh thihnak a tuar ni ihsin thok, leilungpi ih ttulmi le riahsiat ttahnak leiba cu Bawipa in a pek thluh zo a si. Thungai te’n kan ti ahcun Jesuh in thinlung kekkuai pawl le ninghang riahsia pawl, kutke zeng pawl le taksa famkim lo mi pawl ih ttulsammi hmuahhmuah a pek thluh a si. Pathian ih duhdawtmi A Fapa in leilung ih leiba zate a kuan thluh zo a si. Hiti ih a tuahnak cu profet Isaiah in, “Amah rori in kan natnak cu a laak ih kan damlonak cu a phur hlo a si,” a ti (Matt. 8:17). “Kanmah vekin sualforhnak a phunphun a tong ve mi a si; asinan Anih cu a sual lo” (Heb. 4:15). Hih thuthangtha nan hnenih ka thlenter hi ka lungawituk. Jesuh lawng hi Rundamtu a si, Amah lawng hi nunnak le bawmtu naibik umsun a si. Amah in ziang hmuahhmuah a neh thei thluh ruangah Pathian ka thangtthat. A hnen ra pantu hmuahhmuah a damter hngai.

Mizeng pa cu a rualpi pali in luanglu ihsin Jesuh hmai rori ah thleng ko in an run tthum. Cutikah mipi cu hih thil lamdangzet tuahmi ruangah an mang a bang thluh. Bible in hiti’n a sim: Zumnak an neih zia kha Jesuh in a hmuh tikah mizeng pa hnen ahcun, “Ka fapa, na sualnak cu ngaidam a si zo” tiah a ti (Marka 2:5). Hih mizeng pa tidam dingah ziang sual ngaidamnak so a ttul? Sualnak cu natnak zate ih hrihram a si. Bawipa in kan nunnak ah Pathian huham hnattuan thei lo ko in a dawnkhamtu a lenglam ih hmuh theimi sualnak le kan sunglam sualnak zate in thianhlimter thluh hram seh!

Jesuh in mizeng pa cu a damter. Mi pali pawl ih rinnak tla a hmu. Tuni ah tla himi vek hi kan ruah ding a um a si. Minaa tampi cu an dam thei lo ding, nanmah lakih mi hrekkhat in nan hruai ih Jesuh hnen nan thlenter lo ahcun. Himi hi ttha te’n ciing ringring uh, nangmah cu na unau kilkhawitu ding na si (Seem. 4:9). Hih mi pali pawl in mizeng pa cu Pathian Fapa Jesuh ih simmi thu thei thei dingin a hnenah an thlenh a si kha! Cutikah natnak ih ttemttawnmi cu luatter a si. Mizeng pa cu a dam, a cak, a tho thei, a ihphah a phur thei ih zamrangzet in mipi hmai ah a feh thei. Hallelujah!

Himi vek mangbangza Pathian kutcak ih thiltitheinak ka hmu ve dah. Kan Bawipa hi lamzin fate lawngin kan hmu lo pei. A Ttongkam in leilungpi a sersiam. Tuni khal ah Bawipa cu a danglam lo, Amah sinak kel a si ringring. Amah cu duhnungza, ziang thaw hmanin tahtthim theih rual lo a si. Amah bangtuk zohman an um lo.

Pathian in a famkim lomi kha A duhdawtnak huham in a famkimter thei.

@ Smith Wigglesworth

(Visited 30 times, 1 visits today)

Comments

comments

Comments

%d bloggers like this: