A Langmi Bumnak

July 3
Tlawngkai Nihnih

A Langmi cu Bumnak

Bible Siar Ding: Mipum. 24:1-25

Ziangkimtithei Bawipa Pathian, atu ih a ummi le hlan ihsin a rak um zomi, a nasami na huham na langter ih uknak hram na thok zo ruangah kan lo thangtthat. – Thuphuan 11:17

Satan in atu le atu a neh cingcingnak hmun leitlun ah kan um, ih Jesuh Khrih thluntu pawl cu dodalmi le hmuhsuam nautatmi kan si. Cumi cun El Shaddai Pathian in a minung pawl a kilkhawi nawn lo mawsi ti a bangter.

Cumi cu leilung in kan ruah tthat dingah a duhmi a si. An ruat palh nasa.

A ngaingai ti ahcun kum thawng tampi sungah thil hi tamtuk cu a thlengh aw lemlo. Israel mi pawl Egypt sal sung ihsin ruunsuah an si hnu ah, an miphun in Canaan ram cu Pathian ih tiamkammi ram a si ti’n than dingah an timtuah. Sikhalsehla cutawk hmun ih a rak umtu Moab miphun pawl khal in khawkhan lairelnak dang an nei ve.

An siangpahrang in Balaam cu Israel mi pawl camsiattu dingah paisa pekin a hlang ih cuti’n raldonak ah neh dingin a timtuah. Siangpahrang ih tawlrel vek si loin Pathian in a minung pawl cu camsiat an si ding a siang lo. Vei hnih rori a zuam nain a hlawhtling lo tikah Balaam in El Shaddai ih simtermi ttongfang: Israel miphun ih nehnak an co ding thu le an len le neihnun ding thu sawn a ttongsuak riangri. Cumi sung hmuahhmuah ah Israel mi pawl cu A Cakmi Pathian ih humhimnak le kilvennak zianghman thei loin horkuam sungah buuk saam in an um.

El Shaddai Israel miphun ih raal pawl ih tumtahmi pawl cu neh thluh tahrat in cumi in A minung pawl thluasuah peknak hrangah a hmansak. Tuni ah, leilung in Jesuh Khrih in dungthluntu zumtu pawl ziangtlukin in dodal le in phiarsawm ciamco hmanseh zianghman ttih ding a um lo. El Shaddai cun kan raal pawl kha A tumtahmi pawl famkimternak dingah a hmang thei a si.

El Shaddai, ka zawn i ruah vekin Na huham le Na daihcangnak parah rinsan le hngatsan thiam dingin i bawm hram aw.

Dodal ka ton caan ah El Shaddai sungah rinsannak neitu ka sinak langter dingin ziangti vekin ka hmason pei?

@ Ava Pennington

(Visited 29 times, 1 visits today)

Comments

comments

Comments

%d bloggers like this: