A Lang Lo Tlang In

IMG_607263215459994

A LANG LO TLANG IN

A lang lo tlang in ka lo ṭah
Lungthin a sawh-ruai ee
Nan thawmvang sia in
Hnem aw theitu ngai khal kan um lo ee
Mah te ciar in
A lang lo tlang ah

Kan ni liam a tuan tuk ee
Santiluan maw kan ti ding
Zawnzai re-thei hi maw kan puh hrih ding cu si lo le
Van hi maw kan khih ding
Tingaihnak ka thei lo ee
Arbawm in khai mi ti bang seherhnak mitthli a for liam
Kan ni liam a tuan tuk deuh ee

Thilung thup te’n
Lai nan hlum ti’n
Ka hnangam le ka lungawi le ka lo rinsan
Nan nih cun daite’n lei dai ah in ih san men
Riaklang va ka bang kan khua kan veng ah
Thimzan hnuai ah ka vai vuan
Thinlung mitthlam ah

Nan nih cu hawilopar nan ton zo ding
Kan nih cu kan zunngaihpar a uai thei lo
Nan nih cu lunglo dairial ti nan in zo ding
Kan nih cu ni za liam in thla za de seh
Lungthin ah dai lai ni nan nei lo ding ee
Kan uanau kan rual ṭha
A lang lo tlang in ka lo ṭah
A lang lo tlang in ka lo ṭah
A lang lo tlang in ka lo ṭah

SuiTe ( Zunphir )

11/23/’14

A LANG LO TLANG IN ka t’ah biazai ( tlangkawm biazai phun ) hi Falam ih in liam san zo tu ka rualpi pawl hrang ah a bik in ka rual San Kio Hnin , Van Bawi Nawl , Thawm Pi , Luai Luai ,Hu Tu leh Moliham ka t’ah hla/biazai si . An rualpi tampi lak ih pakhat din hmun in.

(Visited 264 times, 1 visits today)

Comments

comments

Comments

%d bloggers like this: