A Lak Lo Mi Vahvaihnak

received_1721903891368273

Tlang tin mual tin cuan ko ning law
Semnak Lai ram, na zuun ngai in
Ka vak ka tawi, vai raang ram ah
Beunak buk le nomnak ka hawl

Zing tin zaan tin, thlen sal um maw
Ram nuam ram dam ka sul hnu khi
Ka tlang ka hoi, liam thu ruat phah
Tleunak na ke lamzin t’ek pawl

I roh I cah, hngilh dah hlah khaw
T’hansonak hram, Lai ram hrang tin
Ka pur ka hawl, fimthiamnak hmuah
Dar t’hi rual bang ka thup ka khawl

Ka zoh ka cuan, hir suak na phaw
Na nat zaangkham, hlawm dam thei cin
Nei ve thei tiah, ka t’ang ka zuam
T’hal caan zaan mang dam ten rak cawl!

~ Salai Run Sui Lian

(Visited 237 times, 1 visits today)

Comments

comments

Comments

%d bloggers like this: