A Kumkhua in A Kilhim

November 12

Tlawngkai Nikhat

 

A Kumkhua in A Kilhim

                                                           

Bible Siar Ding: 1 Peter 1:1-5

 

Ni netabik ih langter dingah atu ih ret ciami rundamnak cu zumnak thawngin Pathian huham ih kilvenmi nanmah ih co ding ro a si.

–         1 Peter 1:5

 

Kan rundamnak (salvation) hi kan hlohter (lose) thei maw? Mi tthenkhat pawl cun kan hlohter thei ti’n a ruattu an um.

Kan rundamnak cu kanmai’ hlawh (earn) theimi a si ahcun, cumi thlun in kan hlohter thei ve ko ding. Sihmansehla, rundamnak ngah dingah kanmah lam ih tuah theimi zianghman a um lo ih kan hlawh theimi khal a si fawn lo, cuti’n asile ziangti’n so kan hlohter thei ding? Pathian ih zaangfahnak (grace) cun kumkhua nunnak co dingin in rundam (save) ih hlo thei nawn lo dingin khal Amai’ sungah in kilhim (keep) a si.

Hih rundamnak hnget (assurance of salvation) thutak hin mah duh poh ih sual tuah theinak khuan license in pe lo. Tirhthlah Paul in, “Asile ziangti’n so kan ti ding? Pathian ih zaangfahnak karh sinsin seh tiah sual kan tuah vingvo hrih ding maw? Tuah sinsin hlah! Sualnak ah kan thi zo ih ziangti’n so a sungah kan um thei nawn ding?” tiah a ti (Rom 6:1, 2).

Kannih zumtu pawl hi Pathian thawn atak ih pehzom awknak kan nei ngaingai a si ahcun sualnak sungah lut tahrat in sualnak tuah duhnak thinlung khal kan nei nawn lo ding. Amah in kan thinlung cu a thlengh thluh ih kan thlarau nun in kilhimtu Pathian Amah lungawiter ding lawng hi kan saduhthah le hiarmi a si thlang ding.

Pathian cu atu ih kan leitlun tisa nunnak kilhimtu lawng a si lo, Amah sungih kan neihmi rundamnak cu Amah thawn kumkhua kan um tlang lai hlan lo a kilhim a si.

Vancung ih um kan Pa, Nangmah thawn kan pehzom awknak in kilhim sak ruangah ka lungawi. In kilhimnak cu sual tuah duhnak license ah hmang lo dingin I bawm hram awla; cumi ai ah catbaang loin Nangmah lungawiter theitu in siter hram aw.

Pathian thawn kan pehzom awknak cu laksawng vekin ziangti’n ka cosang thok thei ding? Tuni ah Pathian in A kilhimnak cu ziangti vekin hmu dingah in duhsak?

 

@Pennington

Comments

comments

Comments

%d bloggers like this: