A KEDIL RI AH

October 23
Tlawngkai Ninga

A KEDIL RI AH

SIAR:
Matthai 4:18-25

Jesuh cun, “Ka hnenah ra uhla mikaitu ah ka lo tuah ding,” a ti.
-Matthai 4:19

KUMKHAT SUNG BAIBAL:
– Jeremiah 1-2
– 1 Timote 3

Stan le Jennifer cu term khat Pathian hna an ttuan hnu ah North
Carolina
ih Marion Mission civui ah thu an rel rero.

Jennifer in nunau pakhat thawn Bible an siar tlang thu a sim. An
pahnih in Matthai 4:19 thu an rel tlang. Pakhat in Jennifer cu an
miphun ttong in ‘thlun’ timi sullam a sim. “Naite ihsin thlun tinak a
si, hlapi ihsin a si lo.”

Cumi thu simfiangnak dingah Jennifer cun cuih nunau nu ih kedam cu
dung le hmai ah kaangpi in a ret. Cuttheh in pakhat a laak ih a dang
pakhat kiangri te ah a ret ih a sullam cu kedil rite ih thlun tinak a
si. A sim duhmi cu Jesuh cu a nai theibik in thlun ding tinak a si.

A hnu ah Jennifer cun a ca siarlaimi a siar ttheh hnu ah mangbang in a
sut aw ttheu. “Jesuh lawng a tawk maw?” Amah tein a umhar, a dam lo,
faate a nei lo, nun khawsak ding danglam maksaktuk lakah hna a ttuan.
Culai ahcun Khrih thawn hlat awtuk in a thei aw. Asinan thlacamnak le
zumnak thawn a kedil ri ah Jesuh thawn naih theibik ih a feh tikah a
thinlung sungah daihnak a ngah, thazaang thar a tlung saal, hnangamnak
pek a si.

Bawipa thawn hlat awzet in na thei aw- zianghman lo, thazaang derdai,
cau le ttih in na um maw? A kedil rite rori ah naite ih thlun a cu.

Bawipa, nauhak pate ih zumnak in pe aw,
Cuih zumnak in Nangmah a lo cuan;
Ziangtik hmanah tuah siat lo dingah,
Rinsanzet ih lo thlun dingah.

Pathian thawn naite ah kan feh le A lam hmuhnak a fiang sinsin.

(Visited 29 times, 1 visits today)

Comments

comments

Comments

%d bloggers like this: